ալմաստ

Վիքիբառարան-ից

Հայերեն

Դասական ուղղագրութեամբ՝

վանկեր՝ ալ•մաստ 

Ստուգաբանություն[խմբագրել]

արաբ. ալմաս, բառացի՝ ամրագույն

Գոյական

  1. (աշխգր․) բոլոր միներալներից ամենից կարծրը, ածխածնի բյուրեղային ձևափոխություններից
  2. (հնք․) կարծր, թափանցիկ ու փայլուն քար, որ բաղկացած է բյուրեղացած զուտ բնածուխից, ադամանդ
  3. (երկրբ․) միներալ, բնածին ածխածնի բյուրեղային խորանարդային ձևափոխություն, բնության մեջ հայտնի նյութերից ամենակարծրն է, կարող է լինել անգույն, ինչպես նաև տարբեր աստիճանի գունավորված՝ դեղին, շագանակագույն, վարդագույն-բաց մանուշակագույն, կանաչ, երկնագույն, կապույտ, կաթնասպիտակ, մոխրագույնից մինչև սև
  4. հատկապես մի կողմը տաշած բարակ ադամանդ ◆ Ահա այդ արծաթյա մահիկը, զարդարված խոշոր ալմաստներով, որ կապել ես լայն ճակատիդ։ (Րաֆֆի)
  5. փոքրիկ ձողիկի ծայրին ագուցած ադամանդ, որով կտրում են ապակին
  6. (փխբ․) ադամանդի նման հստակ փայլով առարկա

Ածական

  1. (փխբ․) շատ կարծր ◆ Չէր դիմանա բաժանումին սիրտն իսկ ալմաստ: (Շոթա Ռուսթավելի)
  2. ալմաստե ◆ Դու՛, Արագա՛ծ, ալմաստ վահան կայծակեղեն թրերի։ (Ավետիք Իսահակյան)

Հոմանիշներ[խմբագրել]

  1. ադամանդ, ակ, ակնաքար, շողակ(ն), գոհար, վարդենիկ, քար (խսկց․), ալմաս (բրբ․)

Արտահայտություններ[խմբագրել]

  1. հղկած ալմաստ

Թարգմանություններ[խմբագրել]

Աղբյուրներ[խմբագրել]

  • Գրգեարյան Հ․Ղ․, Հարությունյան Ն․Մ․, Տնտեսական աշխարհագրության տեղեկատու բառարան (խմբ. Ավագյան Գ․Ե․), Երևան, ««Լույս» հրատարակչություն», 1982 — 408 էջ։
  • Հողմիկ Սարգսյան, Ռուզաննա Սարգսյան, Երկրաբանական տերմինների եռալեզու հանրագիտական բառարան, Երևան, «Զանգակ», 2014 — 672 էջ։
Վիքիպեդիայում հոդված կա հետևյալ թեմայով՝ Ալմաստ: