անտառ

Վիքիբառարան-ից

Հայերեն

«Անտառ» ժեստը հայերեն ժեստերի լեզվով
Խառը անտառ Գերմանիայում

վանկեր՝ ան•տառ 

Ստուգաբանություն[խմբագրել]

Առաջացել է թերևս բնիկ հնդեվրոպական sm-doru-` sm- «համա» և dəru- (deru)` ծառ բաղադրիչներից։ Երկրորդի համար համեմատել հին հնդկերեն dãru` «փայտ», հունարեն δορυ՝ «ծառ», խեթերեն taru` «ծառ, փայտ» բառերի հետ։

Գոյական

  1. ծառերով պատված տարածք, որ հիմնականում բնակեցված է վայրի կենդանիներով, ծառերի, թփերի, խոտերի, մամուռների, քարաքոսերի, կենդանիների ու միկրոօրգանիզմների կենսաբանորեն սերտ համագործակցված ընդհանրություն ◆ Անտառներն ու բլուրները վերջացել էին, առջևը բացվում էր Կուրի դաշտավայրը։ Դերենիկ Դեմիրճյան
  2. այդ ծառերի ամբողջությունը
  3. (փխբ․) անմշակ թողնված ծառաստան
  4. (փխբ․) խիտ ու դեպի վեր ուղղված առարկաների բազմություն ◆ Տեգերի, նիզակների, մի ծիտ, անվերջ անտառ էր անցնում։
  5. (բսբ․) երկրի բնական համակարգ, որի բուսական համակեցություններում գլխավոր դերը պատկանում է ծառաթփային բուսականությանը
Հոմանիշներ[խմբագրել]

մայրի, ծառաստան, դարաստան, ծառուտ, անտառակ, անտառուտ, անտառիկ, պուրակ, ծմակ, մայրաստան (հնց․), մայրեստան, մայրևոր, անտառստան, շահար, ջարդ, քոլ (բրբ․), մերի, մորի, ձողան, խարձ, ցախուտ, ցախաստան, մացառուտ

Արտահայտություններ[խմբագրել]
  1. անտառի արքա - տե՛ս առյուծ
  2. անտաոի խոտ - կաթնաբալախ
  3. անտառի մարդ - տե՛ս օրանգուտան
  4. կուսական անտառ
  5. ասեղնատերև, փշատերև անտառ
  6. սաղարթավոր անտառ

Աղբյուրներ[խմբագրել]

  • Ժ․ Հ․ Վարդանյան, Հ․ Յա․ Սայադյան, Անտառագիտական և կանաչապատման տերմինների հայերեն-ռուսերեն-անգլերեն բացատրական բառարան, Երևան, «ՀՀ ԳԱԱ բուսաբանական ինստիտուտի հրատարակչություն», 2008 — 338 էջ։
  • Հարությունյան Լ․ Վ․, Թանգամյան Տ․Վ, Զավարյան Է․ Լ․ և ուրիշներ, Բուսաբանական տերմինների ռուս-հայերեն բացատրական բառարան, Երևան, ««Հայբուսակ»», 2002 — 272 էջ։
  • Մ․Խ․ Պողոսյան, Ֆրանսերեն-հայերեն ագրոէկոլոգիական և անտառագիտական տերմինների համառոտ բառարան (ՀԳԱ), Երևան, 2005 — 144 էջ։
  • Մ․Խ․ Պողոսյան, Ֆրանսերեն-հայերեն ագրոէկոլոգիական և անտառագիտական տերմինների համառոտ բառարան (ՀԳԱ), Երևան, 2005 — 144 էջ։
Վիքիպեդիայում հոդված կա հետևյալ թեմայով՝ Անտառ: