գեղեցիկ

Վիքիբառարան-ից

գեղեցիկ (gełecʿik)

Ծաղիկը բնության գեղեցկության անենավառ օրինակներից մեկն է

Արևմտահայերեն ուղղագրությամբ՝

Կայանե Ալդորինո, Միսս աշխարհ-2009

գե•ղե•ցիկ 

Ստուգաբանություն[խմբագրել]

Բնիկ հնդեվրոպական *uelo-` *uel- «տեսնել» արմատից. հմմտ. լատիներեն voltus, vultus «տեսք», կիմրերեն gweled «տեսնել», բրետոներեն gwelet «տեսք», գոթերեն wlits «դեմք, կերպարանք»:

Ածական[խմբագրել]

  1. տեսքով դուրեկան՝ հաճելի, գույների՝ գծագրության և այլնի ներդաշնակությամբ օժտված ◆ Օրիօրդ, դուք այդքան երիտասարդ, գեղեցիկ և տանը փակված, աններելի է ձեր ծնողներին: (Շիրվանզադե)
  2. գրավիչ դիմագծերով, դուրեկան դեմքով
  3. շարժումների ներդաշնակությամբ, համաչափությամբ ու ճկունությամբ կատարող ◆ Գեղեցիկ են թվում նրա շարժումները: (Հրաչյա Քոչար)
  4. զգայարանների համար հաճելի՝ ախորժելի ◆ Նա ուժեղ և գեղեցիկ ձայն ուներ: (Դերենիկ Դեմիրճյան)
  5. իր ներքին բովանդականությամբ լավ՝ դրական
  6. բարոյական տեսակետից լավ՝ անպարսավ ◆ Երևի նրա համար են այդ գեղեցիկ ցանկությունները, Սամվել, որ ցույց տաս քո քաջությունը: (Րաֆֆի)
  7. գեղարվեստական
  8. վայելակիրթ, դուրեկան◆ Աշակերտները... պատրաստ էին նրա հետ, նրա ղեկավարությամբ նետվելու գեղեցիկ կյանքի, գեղեցիկ ապագայի համար տարվելիք մարտերը: (Գարեգին Սևունց)
  9. պատշաճ, հարմար, տեղինՙ հաջող
  10. պարզ, մաքուր, պայծառ ջինջ
  11. մեղմ, հաճելի, բարեխառն
  12. երջանիկ, երանելի, բարեկեցիկ
  13. կատարյալ, անթերի ◆ Սա էլ շերմապահության վերաբերյալ մի գեղեցիկ աշխատություն է: (Մուրացան)
  14. այն, ինչ որ համապատասխանում է գեղեցկության գաղափարին՝ մարմնավորում է գեղեցկությունը

Հոմանիշներ[խմբագրել]

  1. սիրուն, սիրունատես, սիրունիկ, գեղանի, գեղուն(ի), գեղազան, գեղասքանչ, գեղազուն, գեղաչքնաղ, առնագեղ (տղամարդ), չնաշխարիկ, չքնաղ, չքնաղագեղ, չքնաղակերպ, չքնաղատես, չքնաղատեսիլ, չքնաղատիպ, չքնաղագույն, աննման, անմեկին, արևը ամոթից ամպերի տակ է մտնում, երբ դուրս է գալիս, երեսից լույս է ծորում (կաթում), աղվոր (արևմտհ․), գեղեցկագեղ, գեղեցկատես, գեղեցկատեսիլ, գեղեցկակերպ, գեղեցկապատկեր, անձնագեղ, գեղակերպ, գեղատես, գեղատեսիլ, գեղատիպար, գեղագեղ, գեղալիր, գողտր, գողտրիկ, աստվածագեղ, վայելչագեղ, արփիագեղ, բարեգեղ, պայծառագեղ, սքանչագեղ, վայելչատես, վայելչատեսիլ, սքանչատես, սքանչատեսիլ, սքանչելատես, սքանչատեսիկ, կառուցիկ, սլացիկ, վայելչադեմ, բնագեղ, գեղավոր, լավ, լավիկ, գեղ, գեղագեղ, քաջակերպ, (ժղ․)՝ տեսոք, տեսքով, արմաղան, թառլան
  2. սիրուն, սիրունիկ, սիրունադեմ, գեղեցկադեմ, գեղադեմ, վայելչադեմ, չքնաղադեմ, նրբադեմ, անուշադեմ, արեգնադեմ, գրավչադեմ, աղվորերես (արևմտհ․), (ժղ․)՝ լուսերես, շաղմաղերես, շարմաղ, աչքունքով, արքով-ունքով, աչքունքանի, (գվռ․) խորոտ, խորոտիկ, խորոտիկ-մորոտիկ, (բնստ․) ակն ու արեգակ, արեգակի կտոր, աչքում լույս (յուղ) կա, երեսին ճաշ կուտվի

Արտահայտություններ[խմբագրել]

  1. գեղեցիկ արվեստներ - արվեստի մի քանի ճյուղերի՝ նկարչության, քանդակագործության, ճարտարապետության ու երաժշտության ընդհանուր անվանումը
  2. գեղեցիկ սեռ - կանացի սեռ
  3. մի գեղեցիկ օր - մի անգամ, օրերից մի օր
  4. շատ գեղեցիկ կամ գեղեցիկ - գործածվում է որպես համաձայնության արտահայտության՝ շատ բարի նշանակությամբ