երգ

Վիքիբառարան-ից

երգ (erg)

Eighth notes and rest.svg

Արևմտահայերեն ուղղագրությամբ՝ երգ


երգ 

Ստուգաբանություն[խմբագրել]

Բնիկ հնդեվրոպական *erkou-` *erku «ճառագայթել, շողալ, հնչել, երգել, գովերգել» արմատից. հմմտ. հին հնդկերեն arká «ճառագայթ, երգ, երգիչ», խեթերեն arkuuaāc «աղոթել»:

Գոյական[խմբագրել]

  1. բանաստեղծական-երաժշտական ստեղծագործություն՝ երգելու համար, ձայնագրված ոտանավոր ◆ Լեռնցի օրիորդը երգում էր յուր լեռների, յուր ձորերի երգը։ (Րաֆֆի)
  2. փոքրիկ երաժշտական ստեղծագործություն ◆ Սպենդիարյան գրել է մի շարք գեղեցիկ երգեր:
  3. քնարական բանաստեղծություն ◆ Գրում եմ պոեմներ, երգեր, երազում եմ գալիքն անծիր: (Եղիշե Չարենց)
  4. դյուցազներգության՝ վիպերգի յուրաքանչյուր հատվածը, դրվագ
  5. ասելիք խոսք ◆ Դու... ցույց տվիր, որ աշխարհին մենք երգ ունենք երգելու: (Հովհաննես Հովհաննիսյան)
  6. (գրկն․) որևէ մեկի կամ որևէ իրադարձության մասին գրված ընդարձակ չափածո կամ արձակ ստեղծագործություն (պոեմ, դյուցազներգություն և այլն)
  7. դրվագ, չափածո մեծ ստեղծագործությունների ամեն մի հատվածի՝ բաժնի անվանում ◆ Հ Թումանյանի «Անուշ» պոեմը բաժանված է վեց երգի:
  8. որևէ չափածո ընդարձակ ստեղծագործության հերոսի հրաժեշտի խոսքը ◆ «Չայլդ Հարոլդի հրաժեշտը», Բայրոնի «Չայլդ Հարոլդ» պոեմի... լիրիկական այս հատվածը, Թումանյանը անվանել է «Չայլդ Հարոլդի երգը»:
  9. շատ թե քիչ ընդարձակ քերթված ◆ «Ռոլանդի երգը»:
  10. (փխբ․) առհասարակ՝ չափական ստեղծագործություն
  11. (փխբ․) նվագ
  12. (փխբ․) թռչունների ճռվողյուն, սոխակի երգ ◆ Թռչունները ուրախաձայն երգերով ողջունում էին տվնջյան լուսատուի հանդիսավոր ելքը: (Րաֆֆի)
  13. (փխբ․) բնական երևույթների և տարերքի մեղմ ու հաճելի տևական ձայն
  14. (փխբ․) շրշյուն, խշրտոց ◆ Ամեն առավոտ ծառերուն երգովը ու թռչուններուն դայլայլովը պիտի արթննանք: (Ռուբեն Զարդարյան)
  15. (փխբ․) փառաբանական բանավոր կամ գրավոր խոսք (չափածո կամ արձակ)
  16. (փխբ․) շատ անգամ լսված՝ կրկնված՝ ձանձրացրած բան

Հոմանիշներ[խմբագրել]

  1. խաղ, տաղ, շեր
  2. տե՛ս մեղեդի
  3. տե՛ս շարական
  4. տե՛ս երգեցողություն
  5. տե՛ս նվագ
  6. դրվագ
  7. տե՛ս բանաստեղծություն
  8. տե՛ս դայլայլ, ճռվողյուն

Արտահայտություններ[խմբագրել]

  1. երգ ասել - երգել
  2. երգ դառնալ
    1. երգի վերածվել
    2. լավ հիշողություն դառնալ, մնալ որպես բարի հիշատակ
  3. երգ երգոց
    1. Աստվածաշնչի գրքերից մեկի վերնագիրը
    2. (փխբ․) ստեղծագործական մեծ խոյանքով գրված և դարակազմիկ նշանակություն ունեցող երկ
  4. երգ կապել - երգ հորինել
  5. երգը երգվել - բանը վերջացած լինել, անկումը՝ պարտությունը՝կործանումը՝ վերջը անխուսափելի լինել