երինջ

Վիքիբառարան-ից

Հայերեն

Դասական ուղղագրութեամբ՝

վանկեր՝ ե•րինջ 

Ստուգաբանություն[խմբագրել]

Բնիկ հնդեվրոպական՝ *k՛rentio-՝ *k՛er- «գլուխ, եղջյուր, եղջերավոր անասուն» արմատից. հմմտ. հին վերին գերմաներեն (h)rind «խոշոր եղջերավոր անասուն, տավար, եզ» (ըստ Պատրուբանյանի. մերժում է Աճառյանը, առանց հաշվի առնելու, որ *k՛r-ով սկսվող նախաձևի դեպքում *k՛-ն կարող էր ընկնել, ինչպես k՛l-ի դեպքում). (հմմտ. *k՛luke- > լսել, *k՛lu-ro > լուր)։ Ավելի քիչ հավանական է բխեցումը կենդանի նշանակող արմատից՝ որոջ բառի հետ միասին։

Գոյական

  1. երրորդ տարվա մեջ մտած էգ հորթ, որ այդ տարին պիտի ծնի ◆ Մեզնից ամեն մեկը աշխատում էր շոյել երինջի մեջքը։ (Ակսել Բակունց)
  2. առաջին ծինն ունեցող կով ◆ Դարպասից դուրս գալուց, երինջը ետ նայեց դեպի կիսաբաց դուռը ու բառաչեց։ (Ակսել Բակունց), ◆ Ու երբ կթես քառասուն երինջ՝ Դույլերուդ մեջ մակըրդի մաթը՝ արծաթ, դալն՝ ոսկի։ (Դանիել Վարուժան)
  3. խաղողի երեք տարեկան մատ, որ փոխադրում են և տնկում այգու մեջ ◆ Այստեղ մեր լուսավորիչ պապի երինջները ետ են ձգում իրենց մշտածածուկ քողը՝ իրանց քիթը ու բերանը կապող քնթակալը։ (Պերճ Պռոշյան)
  4. մատաղահաս աղջիկ (հեգն․)
  5. տե՛ս երնջնակ ◆ Սխտորուկն ու սպիտակ բանջար, երինջն ու մանդակ, բողիկն ու ավելուկ…բուսած էին շուշանի , կակաչի … անուշահոտության մեջ։ Վրթանես Փափազյան
  6. (խոհր․) ունի նուրբ և հյութալի միս, պատրաստում են տապականեր, աղացած կերակուրներ, լցոններ

Հոմանիշներ[խմբագրել]

  1. կովիկ, եզընկալ

Արտահայտություններ[խմբագրել]

Աղբյուրներ[խմբագրել]

  • Սերգեյ Ավագյան, Հայերեն-անգլերեն-ռուսերեն խոհարարական բացատրական բառարան, Երևան, «ԴԱԼԼ», 2009 — 240 էջ։
Ստացված է «https://hy.wiktionary.org/w/index.php?title=երինջ&oldid=1742364» էջից