էժան

Վիքիբառարան-ից

Հայերեն

«էժան» ժեստը հայերեն ժեստերի լեզվով

Դասական ուղղագրութեամբ՝ էժան

վանկեր՝ է•ժան 

Ստուգաբանություն[խմբագրել]

Մակբայ

  1. ոչ թանկ գնով, դյուրագին ◆ հե՜յ, լավ մանրո՜ւք, ասե՜ղ, հուլո՜ւնք, մատանիք, մարջա՜ն, ապարանջան… էժան կտա՜մ, լավը կտա՜մ։ Հովհաննես Թումանյան ◆ բուրժուաներ… կաթն ու ցորենը ծովն են թափում, փոխանակ աղքատնեին ձրի կամ էժան տալու։ (Ավետիք Իսահակյան)

Ածական

  1. ոչ-թանկ, պակաս՝ ցածր գին ունեցող
  2. ցածր, պակաս (գնի, մասին) ◆ Եթե Միխայիլ Մարկիչը… մի դեսյատին էժան գնով տար, Պետրոսը հավիտյան երախտագետ կմնար։ (Շիրվանզադե)
  3. մեծ ծաղսեր չպահանջող, քիչ ծաղս նստող ◆ Մեջտեղ եկան… մուղանի դաշտի ոռոգման «թանկ» և «էժան» կոչվող նախագծերը:ԱՍ ◆ Կարելի էր ավելի կարգին և էժան բան պատրաստել։ (Գարեգին Սևունց)
  4. ցածրորակ, անորակ ◆ էժան մսի խաշուն չի ուտվի։ Առած
  5. (փխբ․) հասարակ, դյուրին ◆ Մեռնելը զարմանալի հեշտ ու էժան բան է։ (Լեո)
  6. (փխբ․) առատ, շատ ◆ Գեղումը մարդու էժան ինչ կա։ (Ակսել Բակունց)
  7. (փխբ․) թեթև, մակերեսային ◆ Միթե քո սերը այդքան էժան էր, ո՞ւր են տված խոստումներդ…: (Քրիստափոր Թափալցյան)
  8. (փխբ․) Դատարկ, փուչ, լոկ խոսքով ◆ Քո խառնվածքին չէ մարդկանց ներկայությամբ նրանց հասցեին էժան գովեստներ շռայլել։ Հովհաննես Թումանյան ◆ Էժան խոստումներ։
  9. (փխբ․) անհիմն ձեռք բերված, անտեղի, խաբուսիկ ◆ Էժեն հեղինակություն
  10. հեշտությամբ ձեռք բերվող ◆ Արհամարհել էմ էժան փառքերը, ճամփան եմ ընկել ես հողմածեծ։ (Հակոբ Մանանդյան)
  11. (հզվդ․) էժանություն ◆ ի՞նչ կա քաղաքում, դե պատմիր տեսնեմ մեռնող ապրողից, թանկ ու էժանից: Հովհաննես Թումանյան ◆ (Ավանի մասին) հարցուփորձ արեց «Ռուսաստանի կողմերից, էժանից ու թանկից…»: (Ակսել Բակունց)

Ածական

  1. (փխբ․) դյուրությամբ հանձնվող, մատչելի ◆ Ես ձեր իմացած էժան կանանցից չեմ։ (Գարեգին Սևունց)

Ածական

  1. քիչ, փոքր ◆ Որտեղից գյուղացին կարող էր էժան տոկոսով փող վեր առնել։ (Րաֆֆի)
  2. (խոհր․) ոչ թանկ, ցածր գին
Հոմանիշներ[խմբագրել]
  1. էժանագին, մատչելի, էժանանոց (հզվդ․) , դյուրագին, սակավագին, փոքրագին, թեթևագին, թեթևագնի, ցածագին, ցածագնի, ձրի (փխբ․), ջրի գին (խսկց․) էշի գին
  2. տե՛ս անարժեք
  3. տե՛ս դյուրամատույց

Վերնագրի տեքստ[խմբագրել]

  1. թանկ, թանկագին
Արտահայտություններ[խմբագրել]
  1. էժան նստել
    1. մատչելի գնով ձեռք բերվել, մի բանի համար քիչ միջոցներ ծախսվել ◆ Նյութերը դուրս եկան բաձր որակի, իսկ փոխադրությունը շատ էժան նստեց։ (Գարեգին Սևունց)
    2. (հատկապես հարցական և ժխտական) դյուրին լինել, դժվարություն չկրել ◆ Դուք կարծում եք, թե էժա՞ն է նստել ինձ ձեզ մոտ գալիս։ (Նար-Դոս) ◆ Էժան չնստեց չնստեց այդ բանը գյուղին։ (Անահիտ Սահինյան)
    3. (հատկապես հարցական և ժխտական) (սպառնալիք) հատուցում չտալ, պատժից ազատվել
  2. էժան պրծնել-հեշտ ազատվել որևէ ծանր վիճակից՝ դրությունից դյուրությամբ դուրս գալ ◆ Էժան պրծանք, ասաց մի ծերունի մշակ։ (Շիրվանզադե)
  3. էժան նստեցնել- (հարցական և ժխտական) թեթև հատուցել տալ, այնպես անել, որ մեկի վրա որևէ բան ծանր չնստի ◆ Էժան չեմ նստեցնի քո չէն։ (Անահիտ Սահինյան)
  4. տակից էժան դուրս գալ- նույնն է էժան պրծնել ◆ Ու պարծենում էր ամենքի առջև, որ եսքան էժան դուրս եկավ տակից։ Հովհաննես Թումանյան
  5. էժան հեղինակություն՝ կապիտալ՝ փառք ձեռք բերել-խաբուսիկ միջոցներով իր համար դիրք՝ հեղինակություն ստեղծել
  6. էժան ծափեր-արտաքին՝ մակերեսային հնարանքներով ստացված ծափահարություն

Աղբյուրներ[խմբագրել]

  • Սերգեյ Ավագյան, Հայերեն-անգլերեն-ռուսերեն խոհարարական բացատրական բառարան, Երևան, «ԴԱԼԼ», 2009 — 240 էջ։