թարմ

Վիքիբառարան-ից

Դասական ուղղագրութեամբ՝

Վանկեր՝ թարմ 

թարմ լավաշ

Ածական[խմբագրել]

  1. նոր պատրաստված ◆ թարմ միս, թարմ հաց
  2. որևէ կարգի չենթարկված, բնական վիճակում եղող ◆ թարմ միրգ
  3. նոր չգործածված ◆ թարմ սպիտակեղեն
  4. դեռաբույս, մատաղ ◆ թարմ կանաչ
  5. զով, հով, հաճելիորեն սառն ◆ թարմ զեփյուռ
  6. չակապանված, մաքուր ◆ թարմ օդ
  7. չխամարած, չխունացած ◆ Նկարի գույները դեռ թարմ էին:
  8. չմոռացված, հիշողության մեջ պահպանվող, հստակ ◆ Այդ երջանիկ օրերի հիշողությունը դեռ թարմ էր, անջնջելի:
  9. չհոգնած, չբթացած, չխանգարված ◆ թարմ հիշողություն, միտք
  10. նոր, առաջին անգամ արտահայտող ◆ թարմ մտքեր, կարծիք
  11. նոր, դեռ ոչ ոքի հայտնի չդարձած, վերջին ◆ թարմ լուրեր, տեղեկություններ
  12. երիտասարդ, դեռատի, մատղաշ◆ Մի արքայադուստր է եղել թարմ ու պայծառ: (Ավետիք Իսահակյան)
  13. հստակ, հնչուն (ձայնի մասին)

Հոմանիշներ[խմբագրել]

  1. նոր (պատրաստված, չօգտագործված)
  2. տե՛ս թարմաշունչ
  3. տե՛ս մատղաշ
  4. տե՛ս առույգ, կայտառ

Արտահայտություններ[խմբագրել]

  1. թարմ ուժեր - երիտասարդ սերունդ, որ նոր է սկսում հասարակական գործունեությունը գործին չմասնակցած, դեռևս չհոգնած մարդիկ
  2. թարմ հետքերով
  3. թարմ մտքեր
  4. թարմ միս

Ստուգաբանություն[խմբագրել]