խնձոր

Վիքիբառարան-ից

Հայերեն

«խնձոր» ժեստը հայերեն ժեստերի լեզվով
Խնձոր

Դասական ուղղագրութեամբ՝ խնձոր

վանկեր՝ խ(ը)ն•ձոր 

Ստուգաբանություն[խմբագրել]

ԽՆՁՈՐ, 1.Խնձոր։ 2.Պոլիս՝ Այտ, թուշ։ ◆ Երեսիտ խնձորները ուտե՜մ (ԱՃ.): 3. Սանդուղքի գլուխ։

  • Խնձոր գլորել, Գժտություն գցել, իրար հետ կռվացնելու առիթ տալ։ ◆ Էկավ մի խնձոր գլորեց ու գնաց (Ամ.):
  • Խնձորի ծառին քար նետող՝ գցող շատ կլինի, Գեղեցիկ աղջկա՝ կնոջ հասցեին շատերն են խոսք գցում։
  • Խնձորին կեսն է, Սեբաստիա՝ Իրար շատ նման են։
  • Խածած խնձոր մը տված չէ ինձի, Նիկոմեդիա՝,
  • Խածած խնձոր տեսած չեմ, Սեբաստիա՝ Նրանից ոչ մի լավություն չեմ տեսել,ոչ մի պատվի՝ հարգանքի չեմ արժանացել։
  • Մի խնձոր է (երկու) կես արած, Երևան՝ երկուսնել իրար շատ նման են (նույն ծնողների զավակների մասին)։

Բնիկ հայկական բառ

Գոյական

  1. խնձորենու պտուղը ◆ Քաղեն, լցնեն գոգ ու ծոցը կարմիր, կարմիր խնձորով։ (Ավետիք Իսահակյան) ◆ Նա նմանվում էր խնձորենու ճյուղից կախված փոքրիկ խնձորի։ (Ակսել Բակունց)
  2. տե՛ս խնձորենի ◆ Տուր ինձ մի ուստիկ, սիորուն պարտիզպան, տանձի, խնձորի (Շուշանիկ Կուրղինյան)
  3. տե՛ս խնձորակ ◆ Աչքի խնձորն ու ոսպնյակը վնասված չեն։ (Գարեգին Սևունց)
  4. ◆ Խնձորի ծառն խաղկել է նորից։
  5. ◆ ԼԱվ հիվանդին խնձոր բերող կլինես, մինչև բեսրես նա հոգին կտա։ (Րաֆֆի)
  6. ◆ Ձեր ետևից կարմիր խնձոր ենք ուղարկել, որ եկել եք։ ԿԱրմիր խնձոր չենք ուղարկել, ինչու ես եկել։
  7. ◆ Ու չքր զարկում խանդութ-խաթուն իր խնձորը ոչ մեկին։
  8. (խոհր․) պատրաստում են կերակուրներ խնձորով լցոնած տոլմա, մուրաբաներ, շաքարածոներ հյութեր, պահածոներ, գինիներ, թրմողիներ
  9. (բսբ․) հյութալի, բազմասերմ սինկարպ պտուղ՝ բարակ կաշեկերպ արտապտղով, մսալի միջնապտղով և կռճիկանման ներպտղով՝ խնձորի, տանձի, սերկևիլի, զկեռի, խենոմելեսի, իրգայի և այլ բույսերի մոտ
Հոմանիշներ[խմբագրել]
Արտահայտություններ[խմբագրել]
  • Կարմիր խնձոր չէինք ղրկել հետևիցդ, Ձեզ հրավիրող չկար, որ եկել եք դժգոհելու հարկ չկա (ոչ մտերմական՝ արհմրհ. արտահայտություն)։

Աղբյուրներ[խմբագրել]

  • Սերգեյ Ավագյան, Հայերեն-անգլերեն-ռուսերեն խոհարարական բացատրական բառարան, Երևան, «ԴԱԼԼ», 2009 — 240 էջ։
  • Հարությունյան Լ․ Վ․, Թանգամյան Տ․Վ, Զավարյան Է․ Լ․ և ուրիշներ, Բուսաբանական տերմինների ռուս-հայերեն բացատրական բառարան, Երևան, ««Հայբուսակ»», 2002 — 272 էջ։
  • Մ․Խ․ Պողոսյան, Ֆրանսերեն-հայերեն ագրոէկոլոգիական և անտառագիտական տերմինների համառոտ բառարան (ՀԳԱ), Երևան, 2005 — 144 էջ։