ծով

Վիքիբառարան-ից

Megaphone.svg ՄՀԱ(key): [t͡sɔv]

Waves lajolla.jpg

Արևմտահայերեն ուղղագրությամբ՝ ծով


Վանկեր՝ ծով 

Ստուգաբանություն[խմբագրել]

Թերևս բնիկ հնդեվրոպական *g'ob- «ծով» արմատից, հմմտ. հին իռլանդերեն go, հին իսլանդերեն kaf «ծով»:

Գոյական[խմբագրել]

  1. օվկիանոսի մաս, առավել կամ պակաս չափով ցամաքով շրջապատված դառնաղի ջրով ջրային մեծ տարածություն
  2. մեծ լիճ ◆ Կասպից ծով, Վանա ծով
  3. արհեստական մեծ ջրավազան ◆ Երևանյան ծով
  4. ընդհանրապես՝ ջրային տարածություն երկրագնդի վրա՝ ի հակադրություն ցամաքի ◆ Քանի կան մարդիկ, կա ցամաք ու ծով: (Ավետիք Իսահակյան)
  5. (փխբ․) առատորեն թափված արյուն՝ արտասուք՝ քրտինք և այլն ◆ Երկիրը ծով էր արյան ու կարիքի: (Եղիշե Չարենց)
  6. (փխբ․) որևէ բանի չափազանց մեծ քանակություն ◆ Նույնիսկ փորձված ժուռնալիստը հեշտությամբ գլուխ չի հանի թղթերի այդ ծովում: (Կ. Ռյուկման)
  7. (փխբ․) որևէ բանի շերտով՝ ծածկույթով համատարած պատված ընդարձակ տարածություն ◆ Ավազի՝ կանաչի՝ մրգաստանների ծով
  8. (փխբ․) անսահմանափակություն, անսպառություն, որևէ բան անսահմանափակ՝ անսպառ կերպով լինելը՝ ունենալը ◆ Սայաթ-Նովա - խելքի ծովա
  9. (փխբ․) խորք, էություն ◆ Սիրուդ հողմը սրտիս ծովն է հուզել: (Գուրգեն Մահարի)
  10. (փխբ․) լայնարձակ ասպարեզ, որևէ բանի ոլորտ՝ միջավայր ◆ կյանքի ծով, նենգությունների ու խարդավանքների ծով
  11. ածականական գործածությամբ՝ ծովի պես կապույտ, խոր ու հմայիչ ◆ Ծով աչեր
  12. առատ, հարուստ, ճոխ, փարթամ ◆ Ծով մազեր
  13. անսահման, շատ, մեծ, անսպառ ◆ Ծով կարոտ՝ վիշտ՝ տառապանք ◆ Զրկանք կրել հոգս են տարել այս ձեռքերը ծով լռությամբ, համբերոթյամբ: ՊՍ
  14. շատ, անթիվ, անհամար ◆ Մի բուռ ազգ մի ծով բազմանա: (Հովհաննես Շիրազ)
  15. ուժգին, հզոր ◆ Ես քո ծովն եմ սուզվել, Բիլ ծովում ծով ձայնիդ (Գուրգեն Մահարի)

Հոմանիշներ[խմբագրել]

  1. ծովակ

Արտահայտություններ[խմբագրել]

  1. ծովի աստղ - փշամորթների տիպին պատկանող ծովային անողնաշար կենդանի
  2. ծով կապել
    1. ջուրը մի տեղ հավաքելով լճացնել
    2. հավաքել, խռնվել, ամբոխվել
    3. տակը շատ թռջել
  3. ծով կտրել - նույնն է՝ ծովանալ
  4. ծով հրդեհել - անիրագործելի բանի ձեռնարկել, հիմարական սխրանքների դիմել
  5. ծով(ը) բացվել - առագաստանավով ծով դուրս գալ, առագաստները պարզած ծով դուրս գալ
  6. ծովի (ծովային) գայլ - հին փորձված նավաստի
  7. ծովեր կպցնող
    1. ստախոս, առասպելական ստեր ասող
    2. անիրագործելի սըխրաքների մասին երազող՝ խոսող
  8. ծովերի ազատություն - միջազգային իրավունքով սահմանված սկզբունք, որի համաձայն բաց ծովից օգտվելը չի կարող սահմանափակել որևէ պետության կողմից
  9. ծովի պես - շատ, անսահման, առատ
Wiki.png
Վիքիպեդիայում հոդված կա հետևյալ թեմայով՝