ծոց

Վիքիբառարան-ից

Հայերեն

Դասական ուղղագրութեամբ՝ ծոց

վանկեր՝ ծոց 

Ստուգաբանություն[խմբագրել]

Ծագումն անհայտ է։

Գոյական

  1. կուրծքը պատող զգեստի և կրծքի արանքը՝ գոտկատեղից մինչև պարանոցը
  2. (փխբ․) կուրծք ◆ Էս որ տեսավ կրակ ու բոց բռնկեցավ Մհերի ծոց: Ստեփան Զորյան
  3. (փխբ․) գիրկ ◆ Կուզեի ննջել հավետ քո ծոցին: Հովհաննես Հովհաննիսյան
  4. (աշխգր․) լճի՝ գետի՝ ծովի՝ օվկիանոսի ցամաքի մեջ խորացած մաս
  5. (փխբ․) ծոցագրպան
  6. վերնազգեստի կրծքամասի տակի կողմը ◆ Պիջակի՝ վերարկուի ծոցի գրպան։
  7. (փխբ․) որևէ բանի ներսի տարածությունը, ներսը, մեջը ◆ Օ՜, կարասներ հսկա, ձեր կավեղեն ծոցում հովն է հիմա երգում… մի երգ։ Վահագն Դավթյան
  8. (փխբ․) խորշ, խոռոչ, փոս ◆ Տարիներից ի վեր ջրերը մի ծոց էին գտել, գումարվել ու կուտակվել։ (Վահրամ Փափազյան)
  9. (փխբ․) ձոր, ծործոր ◆ Լեռան՝ կիրճի ծոց:
  10. (փխբ․) միջավայր, ոլորտ, մթնոլորտ, շրջան ◆ Նա սովորել ու գիտնական էր դարձել համալսարանի ծոցում:
  11. (փխբ․) խորք, ընդերք, գիրկ ◆ Բոլոր մեծ հղացումները խավարի ծոցն են գոյացել։ Լևոն Շանթ
  12. տե՛ս սինուս
  13. (գվռ․) արգանդ
  14. (երկրբ․) օվկիանոսի (ծովի կամ լճի) մաս, որը բավականին խոր մտնել է ցամաքի մեջ, բայց հիմնական ջրավազանի հետ ունի ազատ ջրափոխանակություն

Հոմանիշներ[խմբագրել]

  1. տե՛ս կուրծք
  2. գիրկ, գոգ
  3. ծոցագրպան
  4. ծովածոց
  5. խորշ, խոռոչ

Արտահայտություններ[խմբագրել]

  1. ծոցն առնել
    1. մեկի հետ միասին պառկել
    2. ընդունել, իր մեջ առնել
  2. ծոցը բանալ - նույնն է՝ գիրկը բացել
  3. ծոցը դատարկ թողնել մեկի - անամուսին թողնել
  4. ծոցը ծոցում օձ (սնուցանել) տաքացնել - խնամել հոգ տանել մեկի մասին, որ իրեն հետո թշնամի է դառնալու կամ չարիք է գործելու

Թարգմանություններ[խմբագրել]

Աղբյուրներ[խմբագրել]

  • Հողմիկ Սարգսյան, Ռուզաննա Սարգսյան, Երկրաբանական տերմինների եռալեզու հանրագիտական բառարան, Երևան, «Զանգակ», 2014 — 672 էջ։