մաղ

Վիքիբառարան-ից

Հայերեն

Դասական ուղղագրութեամբ՝ մաղ

վանկեր՝ մաղ 

Ստուգաբանություն[խմբագրել]

Ծագումն անհայտ է։

Գոյական

  1. փայտյա շրջանակի վրա ամրացրած ձարի մետաղի կամ մետաքսաթելի ծակոտկեն հյուսվածք, ալյուր, ընդեղեն և այլն մաղելու համար
  2. զանազան մեքենաների մաղող սարք, հարմարանք (տեխ․)
  3. մետաղալարե մեծ անցքերով ցանց, հող մաղելու համար, հողամաղ
  4. զտում (փխբ․)
  5. (խոհր․) խոհանոցային մաղերը լինում են կլոր, ցանցի տարբեր մեծության անցքերով

Հոմանիշներ[խմբագրել]

  1. մաղոց, նքույր, ալրամաղ, ալյուրամաղ, ալրմաղ, շատարար, շատրար, շարմաղ (մանր ծակոտկեններով), ձարեմաղ, ձարմաղ, ձար (ալյուր և այլն մաղելու հարմարանք)
  2. կալեմաղ, կալմաղ, հատամաղ, խախալ (ցորեն, գարի և այլն, ընդեղեն մաղելու)
  3. հողամաղ, հողմաղ, քարմաղ, խարբուզ (հող, խիճ մաղելու)
  4. (նորբ․) քարմաղ

Արտահայտություններ[խմբագրել]

  1. մաղ դառնալ - մաշվելով ծակծկվել (կտորի, զգեստի մասին)
  2. մաղ ծախող բոշա - աներես, անամոթ
  3. մաղը ծակ է
    1. տախտակը պակաս է, գլուխը դատարկ է
    2. մեր լեզուն հասկանում է (ծծկբ․)
  4. մաղը ծակվել - խարդախությունը բացվել
  5. մաղով անց կենալ - չափազանց նիհարել
  6. մաղով ջուր բերել, կրել - ապարդյուն, անօգուտ գործ անել
  7. մաղը պատից կախել
    1. գործը վերջացնելով հանգստանալ
    2. անեծքի բանաձև՝ թաղեմ քեզ
  8. մաղի մեջ պահել - խնամքով, գուրգուրանքով պահել
  9. մաղը պատով(ը) կախ անել, կախել - նույնն է՝ մաղը պատից կախել
  10. մաղը ցից կապել - կործանել
  11. մաղի գլուխը բան գցել - հաջողեցնել
  12. մաղի մեջ պահել - գուրգուրել
  13. մաղով ջուր բերել, սաղով ջուր կրել - զրաշխատել
  14. մաղով ջուր բերող, սաղով ջուր կրող - զրաշխատ

Աղբյուրներ[խմբագրել]

  • Սերգեյ Ավագյան, Հայերեն-անգլերեն-ռուսերեն խոհարարական բացատրական բառարան, Երևան, «ԴԱԼԼ», 2009 — 240 էջ։
  • Ալինա Մուրադյան, Նորածանոթ բառերի բացատրական բառարան (Իմաստասեր Անանիա Շիրակացի համալսարան), Երևան, 2006 — 60 էջ։