մեծանալ

Վիքիբառարան-ից

Դասական ուղղագրութեամբ՝

Վանկեր՝ մե•ծա•նալ 

Ստուգաբանություն[խմբագրել]

Բայ

  1. հասակով մեծ դառնալ, չափահասությամբ հասնել ◆ Դու արդեն մեծացել ես, տղաս, էլ երեխա չես:
  2. հասակավոր դառնալ, հասակ առնել, ծերանալ ◆ Պապը մեծացել է արդեն, աչքերը լավ չէն տեսնում:
  3. ծավալով՝ չափերով խոշորանալ ◆ Խնձորները մեծացել են, կարմրել:
  4. ընդարձակվել, տարածվել, լայնատարած դառնալ ◆ Լույսը մեծացավ … տարածեց բոսորագույն շողեր: (Շիրվանզադե)
  5. տարողություն ավելանալ ◆ Վերակառուցման հետևանքով շտեմարանն զգալիորեն մեծացել է: (Սովետական Հայաստան)
  6. մարմինով խոշորանալ, մարմնեղ դառնալ ◆ Շունը գիրացել է ու մեծացել, ոչխարի չափ դարձել:
  7. բարձրությամբ աճել, հասակ նետել ◆ Բարդին մեծացել՝ բարձրահարկ շենքի տանիքին է հասել:
  8. քանակն ավելանալ, բազմանալ ◆ Հոտը մեծացել է, և նախկին գոմերը չեն բավարարում:
  9. սաստկանալ, ուժդգնանալ ◆ Գարեգինի սրտում բորբոքված սիրո զգացումը աճում էր, մեծանում: (Սերո Խանզադյան)
  10. տարածությունը՝ հեռավորությունը աճել՝ ավելանալ ◆ գնալով ինքնաթիռի հեռավորությունը մեծանում էր, իսկ ինքը՝ փոքրանում:
  11. մեծ հռչակի արժանանալ, անուն հանել, անվանի մարդ դառնալ ◆ Ջամալյան, դու ե՞րբ այդքան մեծացար, որ արդեն քեզ համար Հայաստանը փոքր է: (Քրիստափոր Թափալցյան)
  12. մեծամտանալ, մեծամիտ դառնալ ◆ Շատ ես մեծացել, բարև էլ չէս տալիս:
  13. հզորանալ, կարողությունը՝ հզորությունն ավելանալ ◆ Մեծացել է մեր ռազմական պոտենցյալը: (Սովետական Հայաստան)
  14. շատանալ, ստվարանալ, ավելանալ ◆ Քանդակագործությամբ հետաքրքրվողների թևը զգալիորեն մեծացել է:
  15. հաստությունն ավելանալ, հաստանալ ◆ չինարու բունը այնքան է մեծացել, որ երեք հոգով չեն կարող գրկել

Հոմանիշներ[խմբագրել]

  1. խոշորանալ, ստվարանալ, ահագնանալ, բետանալ, ջոջանալ
  2. մազոտել,
  3. ծերանալ, պառավել, հասակն առնել
  4. տե՛ս ընդարձակվել
  5. տե՛ս սաստկանալ, ուժեղանալ
  6. տե՛ս ավելանալ, բազմանալ
  7. տե՛ս բարձրանալ, վեհյանալ
  8. տե՛ս հռչակվել
  9. տե՛ս հզորանալ
  10. տե՛ս հաստանալ

Արտահայտություններ[խմբագրել]