պատմական

Վիքիբառարան-ից
Պատմական իրադարձություն. Ռայխսթագը Բեռլինի ռմբակոծությունից հետո

Դասական ուղղագրութեամբ՝

Վանկեր՝ պատ•մա•կան 

Ածական[խմբագրել]

  1. պատմության հատուկ, վերաբերող ◆ պատմական աղբյուրներ, հուշարձաններ, գիտություններ
  2. իրականում գոյություն ունեցող, ունեցած, ոչ մտացածին, իրական ◆ պատմական դեպք, անձ
  3. պատմության համար կարևոր նշանակություն ունեցող, ունեցած, պատմության մեջ մտած ◆ պատմական տարեթիվ, իրադարձություն
  4. առհասարակ կարևոր, մեծ արժեք ներկայացնող, բացառիկ կարևորություն ունեցող ◆ պատմական որոշում, ճառ
  5. պատմության մեջ տեղի ունեցած, եղած իրադարձություններին վերաբերող, այդպիսի իրադարձություններ ներկայացնող ◆ պատմական վեպ, գեղանկարչություն, թեմատիկա
  6. երևույթների ծագման ու զարգացման ընթացքը հաշվի առնող, ուսումնասիրող, երևույթներն իրենց աստիճանական զարգացման ընթացքում ուսումնասիրող, ներկայացնող ◆ պատմական աշխարհագրություն, լեզվաբանություն, քերականություն, բառարան
  7. երևույները իրենց ծագման ու զարգացման իրական պայմանների մեջ և զարգացման ընթացքում քննող, դիտող, պատմականության տեսանկյունի վրա հիմնված ◆ պատմական մոտեցում, լուսաբանություն: Լեզվական երևույթների պատմական ուսումնասիրություն
  8. մարդկային հասարակության զարգացման որոշակի շրջանի, դարաշրջանի և այլն հետ կապված, ոչ մշտնջենական, ոչ հավիտենական ◆ Կապիտալիզմը, ինչպես և ստրկատիրությունը, ֆեոդալիզմը, պատմական կատեգորիա է:
  9. ափն դարաշրջաններին, ժամանակներին վերաբերող, որոնցից նյութական հուշարձաններ են պահպանվել, նախապատմական շրջանին հաջորդած ժամանակներին վերաբերող, հատուկ ◆ պատմական ժամանակներ, շրջան
  10. պատմության գիրկն անցած, անցյալ դարձած, արդիականությունը կորցրած ◆ Դա մի պատմական ավանդություն է արդեն մեզ համար: (Վահան Տերյան)
  11. հռչակված, մեծ անուն հանած, հանրահայտ, հանրահռչակ ◆ Կամսարյանը հասել էր Հայաստանի բնության հրաշալիքներից մինին - պատմական Գեղամա ծովակին: (Մուրացան)
  12. ժամանակագրական հաղորդականության վրա հիմնված, ժամանակագրություն պարունակող ◆ Արշակունյան թագավորների գահակալության պատմական տախտակ:

Հոմանիշներ[խմբագրել]

  1. պատմաբանական (պատմության հատուկ, վերաբերող)
  2. իրական (ոչ մտածացին, իրականում գոյություն ունեցած)
  3. կարևոր, դարակազմիկ (պատմության համար մեծ նշանակություն ունեցող)
  4. տե՛ս պատմողական
  5. տե՛ս հին
  6. տե՛ս վաղեմի
  7. տե՛ս հանրահայտ

Արտահայտություններ[խմբագրել]

  1. պատմական հոլով - պատմվածքի, խոսքի առարկան ցույց տվող հոլով (այդպիսին էր համարվում գրաբարյան բացառական հոլովը՝ զ նախդրի հետ, որը ցույց էր տալիս, թե ինչի մասին է խոսվում) (լեզվբ․)
  2. պատմական մատերիալիզմ - գիտություն հասարակության զարգացման առավել ընդհանուր օրինաչափությունների մասին

Ստուգաբանություն[խմբագրել]