պարզել

Վիքիբառարան-ից

Բայ[խմբագրել]

Megaphone.svg ՄՀԱ(key): [pɑɾˈzɛl]

Արևմտահայերեն ուղղագրությամբ՝


Վանկեր՝ պար•զել 

  1. բացատրել, հասկանալի, ըմբռնելի դարձնել միտքը, խնդիրը, առաջադրանքը պարզել
  2. բացահայտել քննությամբ, ուսումնասիրությամբ և այլն պարզ դարձնել, հայտնաբերել ◆ Դու պիտի օգնես ինձ Լամբարյանի գործը պարզելու: (Նաիրի Զարյան)
  3. որոշել, երևան հանել, գտնել ◆ Վերջապես մեզ հաջողվեց պարզել, թե ով է ատրճանակի տերը: (Կ. Ռյուկման)
  4. կարկառել, առաջ ձգել, մեկնել ◆ Ես անբարբարո մի մանուկ երկու ձեռքս պարզեցի: (Միքայել Նալբանդյան)
  5. բացելով բարձրացնել, բացել, տարածել ◆ Այդ ապստամբության առաջին դրոշակն էր, որ պարզեց գյուղը: (Ակսել Բակունց) առագաստները պարզել
  6. մեկնել, դեմ անել (տալու մատուցելու համար) ◆ Հաց ու պանիր պարզեցին մեզ: (Վրթանես Փափազյան)
  7. փռել, սփռել, տարածել ◆ Արծիվը պարզեց իր թևերը :
  8. բարձրացնել, ցույց տալ, ցուցադրել ◆ Փրկության համր քո սուրը պարզի՛ր: (չեխ և սլովակ բանաստեղծներ) (փխբ․)
  9. մեկնել, մեկնաբանել, գուշակել երազը պահել (հնց․)
  10. պայծառացնել, պայծառ դարձնել, ուրախության արտահայտություն տալ ◆ Եվ մի անցողիկ ուրախություն վարկյանաբար պարզեց իր նեգ ճակատը: (Շիրվանզադե)
  11. պարզ, վճիտ դարձնել պղտորությունից մաքրել ջուրը հեղուկը պարզել
  12. պարզ դարձնել, պարզ նախադասության վերածել
  13. բացվել, ամպամածությունը անցնել
  14. տեսողությունը պարզ, հստակ դարձնել, աչքերի մթագնությունը անցնել ◆ Մի քիչ սպասեց մուտքի մոտ, աչքերը պարզի: (Ս. Այվազյան)
  15. իրադաձությունը պարզ դառնալ ◆ Թողեք նա հայտնի իր միտքն ու սերը, նրանից հետո բանը կպարզի: (Հովհաննես Թումանյան)
  16. խառնակությունը, իրարանցումը վերանալ, խաղաղվել ◆ Թող մի քիչ ժամանակները պարզեն, հետո կիմանանք մեր անելիքը:

Հոմանիշներ[խմբագրել]

  1. բացահայտել, հայտնաբերել (քննությամբ, ուսումասիրությամ և այլն պարզ դարձնել)
  2. տե՛ս բացատրել, պարզաբանել
  3. որոշել, գտնել, երևան հանել
  4. մեկնել, կարկառել, երկարացնել, տարածել, երկնցնել (առաջ ձգել) (արևմտհ․)
  5. բացել, փռել, տարածել, ծածանել (բացելով բարձրացնել)
  6. մեկնել, մատուցել, տալ, դեմ անել
  7. տե՛ս մեկնել, գուշակել
  8. վճիտացնել (պարզ, վճիտ դարձնել)
  9. բանալ, բացել (գաղտնիքը, առեղծվածը և այլն)
  10. տե՛ս պարզվել
  11. բացվել, պաարզանալ (ամպամածությունն անցնել)
  12. տե՛ս խաղաղվել
  13. չակերտները բացել

Արտահայտություններ[խմբագրել]

Ստուգաբանություն[խմբագրել]