սենյակ

Վիքիբառարան-ից

Հայերեն

«սենյակ» ժեստը հայերեն ժեստերի լեզվով
սենյակ

Դասական ուղղագրութեամբ՝ սենեակ

վանկեր՝ սեն•յակ 

Ստուգաբանություն[խմբագրել]

Թերևս կապ ունի հնդեվրոպական *sk՛i ‎(«թույլ փայլել, ստվեր») արմատի հետ, բայց հնչյունական հարաբերությունը պարզ չէ. համեմատության համար՝ հատկապես մի կողմից՝ հունարեն 0σκηνή ‎(0skiní, «վրան, բեմ, սրահ»), մյուս կողմից՝ ռուսերեն сень ‎(senʹ, «հովանի»), сени ‎(seni, «սրահ, նախասենյակ»):

/միջին լատ. caminata/

Գոյական

  1. բնակարանի կամ շինության յուրաքանչյուր բաժանմունքը, որ մյուսներից բաժանված է պատերով (միջնորմներով) և ունի իր դուռը (դռները)՝ պատուհանները և այլն ◆ Այդ կոկիկ սենյակը տիկնոջ առանձնարանն էր։ (Րաֆֆի)
  2. հյուրանոցի համար ◆ Նա «Լոնդոն» հյուրանոցում բաց արեց Բազենյանի սենյակի դուռը և ներս մտավ։ (Նար-Դոս)
  3. հատուկ բաների հատկացված բաժանմունք հիմնարկություններում, կայարաններում և այլն ◆ Մոր և մանկան սենյակ: ◆ Հանգստի սենյակ: ◆ Խաղերի սենյակ :
  4. (փխնն․) սենյակում հավաքված մարդիկ ◆ Սենյակը դարձյալ աղմկեց։

Հոմանիշներ[խմբագրել]

  1. սրահ, օթախ (գվռ․)
  2. համար, հյուրանոցահամար

Արտահայտություններ[խմբագրել]

  1. սենյակը չափել, սենյակի երկարությունը չափել - սենյակում քայլել՝ գնալ-գալ, անձուդարձ անել սենյակում ◆ Շահյանը իր սովորության համաձայն չափում էր սենյակի երկարությունը։ (Նար-Դոս)
  2. սենյակում նստած - շրջապատից կտրված, առանց նրա հետ շփվելու, մեկուսացած ◆ Սենյակում նստած չի կարելի գրել կյանքի մասին։ («Սևան, պատմվածք պատմվածք գրելու մասին»)
  3. առագաստի սենյակ - հարսի ու փեսայի ննջարան

Աղբյուրներ[խմբագրել]

  • Ս․ Գասարջյան, Ճարտարապետական և շինարարական տերմինների ռուս-հայերեն և հայ-ռուսերեն բացատրական բառարան, Երևան, 2007 — 572 էջ։