վեհ

Վիքիբառարան-ից

Հայերեն

Դասական ուղղագրութեամբ՝ վեհ

վանկեր՝ վեհ 

Ստուգաբանություն[խմբագրել]

Փոխառություն իրանական աղբյուրից. հմմտ. միջին պարսկերեն vēh, պարսկերեն bih:

Ածական

  1. բարձր՝ վսեմ արժանիքներ ունեցող, ընտիր, ընտրյալ, վսեմ ◆ Վեհ մարդ՝ հերոս։
  2. բարձր՝ վսեմ նպատակներ հետապնդող՝ ունեցող ◆ Պայքարի համար մեր վեհ Քառուղիներ բացին։ Եղիշե Չարենց
  3. բարձր գաղափարներով տոգորված ◆ Վեհ ուսմունք։
  4. վեհություն արտահայտող՝ պարունակող ◆ Վեհ նայվածք։
  5. վեհափառ, փառահեղ, հոյակապ, սքանչելի ◆ Մտի՛կ տվեք, ի՜նչ վեհ պատկեր մեծ հիացման արժանի։ Հովհաննես Թումանյան
  6. սեգ, խրոխտ, հպարտ ու վեհապանծ ◆ Բույն դրավ Կովկասի վրա… ազատության արծիվը վեհ: (Դանիել Վարուժան)
  7. մեծահոգությամբ տոգորված, վեհանձն, մեծասիրտ ◆ Բայց դու ներում ես նոցա վեհ հոգով։ Ռափայել Պատկանյան
  8. (հնց․) բարձրաստիճան անձանց (թագավորների, զորավարների և այլն) հարգական մակդիր ◆ Ի՞նչ Է կարծում վեհը (Միհրներսենը), ժամ չէ՞ արդյոք դատի տալ նրանց ։ ԴՄ
  9. (եկեղ․) կաթողիկոսների մակդիր՝ վեհափառ նշանակությամբ ◆ Վեհը մտորումների մեջ լինելով՝ չէր նայում շուրջը։ (Սուրեն Այվազյան)

Հոմանիշներ[խմբագրել]

  1. վսեմ, բարձր, մեծ, վես, ընտիր, լավագույն, բարձրագույն, գերագույն
  2. տե՛ս սքանչելի
  3. տե՛ս վեհապանծ
  4. տե՛ս սեգ

Արտահայտություններ[խմբագրել]

Աղբյուրներ[խմբագրել]