տող

Վիքիբառարան-ից

Հայերեն

Դասական ուղղագրութեամբ՝ տող

վանկեր՝ տող 

տող1[խմբագրել]

Ստուգաբանություն[խմբագրել]

Բնիկ հնդեվրոպական՝ *dol-՝ *del- «նշան բռնել, հաշվել» արմատից. հմմտ. հին իսլանդերեն tel «թիվ, պոսք», հայերեն տաղ։ Հրաճյա Աճառյանը, նկատի ունենալով քարթվելական զուգահեռները (հմմտ. վրացերեն toli «հավասար, նման, հասակակից»), բխեցնում է ուրարտերենից։

Գոյական

  1. ձեռագիր կամ տպագիր գրվածքի մի գծի վրա դասավորված՝ գրված բառերի, տառերի կամ այլ նշանների շարք ◆ Տագնապասիրտ՝ գրքի նախաբանը բացեց, Մի երկու տող կարդաց - և գազազած Պատրաստվում էր արդեն շպրտել գիրքը դեն։ Եղիշե Չարենց
  2. (տպգր․) կողք կողքի՝ մի հորիզոնական գծով շարված տպագրական տառերի շարք
  3. ոտանավորի՝ մեկ տող կազմող հատված, իբրև տաղաչափական կառուցվածքի միավոր
  4. մանր իրերի (մարգարիտների, համրիչի հատիկների և այլն) շարան
  5. մարդկանց շարք, տողան
  6. գծված՝ քաշված գիծ (քանոնով)
  7. (գվռ․) քանոն, որով տողում են
  8. շարադրանք, գրվածք
  9. (փխբ․) գրական ստեղծագործություն
  10. (փխբ․) որևէ բանի ուղիղ կերպով ձգվող ու երկար գիծ՝ հետք ◆ Ճանապարհը գիրք է՝ աղուրների ու ոտնահետքերի անվերջանալի տողերով։ (Ժիրայր Ավետիսյան)

Հոմանիշներ[խմբագրել]

  1. շարք, գիծ
  2. (տպգր․) ստիքս
  3. շարան
  4. տե՛ս տողան
  5. տե՛ս տողագիծ

Արտահայտություններ[խմբագրել]

  1. տող առ տող
    1. ամբողջովին, լրիվ, առանց որևէ բան բաց թողնելու
    2. ճշգրիտ համապատասխանությամբ, նույնական
  2. տող բե տող
    1. ամբողջովին, լրիվ, առանց որևէ բան բաց թողնելու
    2. ճշգրիտ համապատասխանությամբ, նույնական

տող2[խմբագրել]

Ստուգաբանություն[խմբագրել]

Հավանաբար բնիկ հնդեվրոպական՝ *del- «կաթել» արմատից, որից նաև տեղ, տեղալ։ Աճառյանը բխեցնում է *stel- «հոսեցնել, միզել» արմատից, որ հնչյունապես կասկածելի է։

Գոյական

  1. արտաթորանք, սեկրեցիա, մարմնի արտադրած հեղուկ

Աղբյուրներ[խմբագրել]