քաղցր

Վիքիբառարան-ից

Հայերեն

«քաղցր» ժեստը հայերեն ժեստերի լեզվով
Քաղցր մեղր

Դասական ուղղագրութեամբ՝ քաղցր

վանկեր՝ քաղ•ց(ը)ր 

Ստուգաբանություն[խմբագրել]

Բնիկ հնդեվրոպական՝ *dlk-s-k՛-u արմատից. հմմտ. լատիներեն dulkis «քաղցր», հունարեն γλνκός, գոթերեն suts «քաղցր»։

Ածական

  1. շաքարին՝ մեղրին և այլնին հատուկ ախորժելի համ ունեցող, քաղցրահամ ◆ Իմ նազելուց քաղցր բուրմունք հետդ բեր։ (Ավետիք Իսահակյան)
  2. ոչ դառն, դառնություն չունեցող
  3. շաքարով՝ մեղրով՝ ռուպով և այլնով պարաստված, մեջը (կամ հետը) մեղր՝ շաքար և այլն խառնած
  4. զգայարանների համար դուրեկան՝ հաճելի՝ շոյող, սիրալիր ◆ Քաղցր էր թռչունների վաղորդյան աղմուկը։ (Րաֆֆի)
  5. բարի բարյացակամ բարեբարո ◆ Ի՜նչ քաղցր մարդ է դա։ (Նար-Դոս)
  6. հարազատ, թանկագին, մտերիմ
  7. սրտին մոտ, հոգեհարազատ ◆ Անցյալի քաղցր հիշատակները չամոքեցին նրա վշտերը։ (Մուրացան)
  8. լավ, հաճելի, երջանիկ, երջանկավետ
  9. հոգեկան հաճելի զգացումով լցնող՝ համակող, երջանկության զգացումով տոգորող
  10. անդորր, խաղաղ ◆ Ա՜խ, տվեք ինձ քաղցր մի քուն։ Հովհաննես Հովհաննիսյան
  11. քաղցր համ ունեցող ◆ Պեգասը գջլում էր սպիտակ կամ կարմիր առվույտից, ընտրելով ավելի քաղցրերը: (Ղազարոս Աղայան)
  12. (խոհր․) տե՛ս անուշ

Հոմանիշներ[խմբագրել]

  1. քաղցրահամ, ախորժահամ, անուշահամ, արևահամ, դյուրահամ, համեղ, անուշ, մեղրակաթ, մեղրածոր, մեղրածորուն, մեղրաճաշակ, մեղրահոս, մեղրահոսան, քաղցրորակ, քաղցրունակ,
  2. տե՛ս ախորժելի
  3. տե՛ս սիրալիր
  4. տե՛ս բարյացակամ
  5. տե՛ս սիրելի
  6. տե՛ս երջանիկ
  7. տե՛ս քաղցրալուր
  8. տե՛ս մեղմ
  9. դաշն, սերտ բարեկամական

Գոյական

  1. քաղցրավենիք

Հոմանիշներ[խմբագրել]

  1. տե՛ս քաղցրավենիք

Արտահայտություններ[խմբագրել]

  1. քաղցր աչք ունենալ, քաղցր աչքով նայել - բարյացակամ լինելը
  2. քաղցր ջուր
    1. աղային պարունակությունից զուրկ ջուր
    2. օշարակ

Աղբյուրներ[խմբագրել]

  • Սերգեյ Ավագյան, Հայերեն-անգլերեն-ռուսերեն խոհարարական բացատրական բառարան, Երևան, «ԴԱԼԼ», 2009 — 240 էջ։