Կաղապար:Օրվա բառ/Դեկտեմբերի 10, 2016 թ.
Հայերեն
վանկեր՝ ս(ը)մ•քել
Բայ
- նիհարելով կուչ գալ՝ կծկվել, հալումաշ լինել, հյուծվել ◆ Նանը սմքել է, դարձել չորացած սունկ: (Մամուլ)
- թառամելով կնճռոտվել՝ կնճռապատվել (մաշկի մասին)
- հյութը կորցնելով թառամել, ճլորել ◆ Այծերն ու ոչխարները դժվարությամբ էին ծամում սմքած խոտը: Սերո Խանզադյան
- ուժասպառ լինել ◆ Հոգին սմքել էր, այլևս անընդունակ որևէ հարված ընդունելու: (Անահիտ Սահինյան)
- չորանալ, կենսական հյութերը կորցնելով կուչ գալ ◆ Պատի ճեղքում սմքած մլակի պես արյան հոտ առան, կենդանացան։ (Ակսել Բակունց)
- ցամաքել, չորանալ ◆ Գարնան հեղեղ է. առաջ կխելագարվի, հետո կսմքի հեղեղատի մեջ: Դերենիկ Դեմիրճյան
- (փխբ․) երկյուղից՝ վշտից և այլնից կուչ գալ՝ խեղճանալ ◆ Նա նոր հասկացավ, որ իր կյանքը վտանգված է, և սմքեց: Դերենիկ Դեմիրճյան
- (փխբ․) ցնդել ◆ -Ես այդ սիրո արբեցությունները գիտեմ, շամբանիայի փրփուրի պես շուտով կսմքին: (Գրիգոր Զոհրապ)
- (փխբ․) կուչ գալ, կծկվել ◆ Նա ծերունավարի սմքել էր իր երիվարի վրա: (Սուրեն Այվազյան) ◆ Անտոնի աչքին մայրն ավելի փոքրացած երևաց, սմքած, ու թեթև բմբուլի նման գրկեց վեր բարձրացրեց: (Ակսել Բակունց)
Հոմանիշներ
- տե՛ս կծկվել, ճլորել
- տե՛ս կնճռոտել, կնճռապատվել
- տե՛ս թոշնել, թառամել
- տե՛ս ուժասպառվել
- տե՛ս չորանալ, ցամաքել