Կաղապար:Օրվա բառ/Դեկտեմբերի 18, 2015 թ.
կարկաչ գո
Հայերեն
Դասական ուղղագրութեամբ՝ կարկաչ
վանկեր՝ կար•կաչ
Ստուգաբանություն
Բնաձայնական կազմություն, որի հիմքերը, թերևս, հասնում են հնդեվրոպական շրջանը՝ *geu- արմատից բխող կազմությունները. հմմտ. հին հնդկերեն garjati, անգլերեն cracian:
Գոյական
- հոսող փոքր ջրի ձայն, կարկաչյուն, խոխոջ ◆ Հեզիկ կարկաչով վազում են ալիք, Փարում, փայփայում ափերը կանաչ: Հովհաննես Հովհաննիսյան ◆ Ակա՞նջ ես դրել, թե ոնց է երգում Առվակի կարկաչն անտառի խորքում: Հովհաննես Թումանյան
- (փխբ․) թռչունների երգ, ճռվողյուն
- (փխբ․) ծիծաղի ձայն, քրքիջ ◆ Լսվում էր անհոգ ծիծաղի զվարթ կարկաչը: (Ավետիք Իսահակյան)
- (փխբ․) աստղերի ցոլք, աստղերի փայլփլելը, պլպլալը
- զրնգուն ձայն, ղողանջ ◆ Անտես զանգերի կարկաչն եմ լսում: (Վահան Տերյան)
Հոմանիշներ
- խոխոջ, խոխոջյուն, կարկաչյուն, կարկաչաձայն, կարկաչանք, քչքչոց, քչքչյուն, գլգլոց, գլգլյուն
- ճռվողյուն, ճռվողում, ճռվող, դայլայլ, դայլայլիկ, գեղգեղ, գեղգեղանք, գեղգեղյուն, ծլվլոց, ծվծվոց, ճլվլոց, ճկճկոց, ճիճռունք (հնց․), վճիռն (ծիծեռնակի), (գվռ․)՝ ճվճվուք, ճվճվուն, ճռվռոց, ճվճվոց, ճվճվուկ, ճվլտոց, ճլվլտոց, ծլվլուն, ճլվլ, ծիվ-ծիվ, ճիվ-ճիվ
- ծիծաղ, խնդուք (արևմտհ․), ժպիտ, քրքիջ, քրքջոց, քռքռոց, հռհռոց, կչկչոց, կարկաչանք, քահ-քահ, փխկոց, փխփխկոց, փռթկոց, (հնց․)՝ խախանք, խնծիղ, խնծիղք, շխկարա (գվռ․)
- կչկչոց, կչրտոց, կվկվոց, կրկչոց, կրկրոց, կղկղոց, գռթռթոց, գռթոց, կթղոց, կռթկռթոց