Կաղապար:Օրվա բառ/Դեկտեմբերի 6, 2015 թ.
հստակ ած
Հայերեն
Դասական ուղղագրութեամբ՝ յստակ
վանկեր՝ հ(ը)ս•տակ
Ստուգաբանություն
Այս արմատի յստ-ի սկզբնական ձևը յիստ-ն է, որի իստ-ը կարող է գալ հնդեվրոպական *ai- «այրել, լուսավորել» արմատի *-st-ով մի ձևից. հմմտ. *aisk- «պարզ, հստակ»:
Ածական
- մաքուր, անխառն ◆ հստակ ցորեն ◆ Եվ առավոտյան, ինչպես ցող հստակ, երեսդ ոռոգել գոհար շիթերով: Հովհաննես Հովհաննիսյան ◆ Նա հստակ էր որպես բյուրեղ: (Սմբատ Շահազիզ)
- վճիտ, ոչ պղտոր, ականակիտ ◆ հստակ ջուր
- պարզ, ոչ մթագնած, ոչ աղոտ ◆ հստակ աչքեր՝ հայացք
- ջինջ, ոչ ամպոտ, պայծառ ◆ հստակ երկինք
- որոշոկի, ոչ տարտամ, պարզորոշ ◆ հստակ պատկերացում ◆ Բայց ոչ մի կերպ նա չէր կարողանում հստակ որոշել իր անելիքը: Սերո Խանզադյան
- (փխբ․) հնչուն, հնչեղ (ձայնի մասին)
Հոմանիշներ
- մաքուր, պարզ, մեկին, վճիտ, ականակիտ, զուլալ, անպղտոր, իստակ (ժղ․)
- պայծառ, պարզ, ջինջ, անբիծ, անմշուշ, անամպ, անշամանդաղ (երկինք)
- անապակ, մաքուր, սուրբ (փխբ․)
- որոշակի, որոշ, պարզորոշ