Կաղապար:Օրվա բառ/Հոկտեմբերի 23, 2016 թ.
Հայերեն
Դասական ուղղագրութեամբ՝ անհարազատ
վանկեր՝ ան•հա•րա•զատ
Կազմություն
Նախածանց՝ ան-, արմատ՝ հարազատ:
Ածական
- ոչ հարազատ, անմիջական արյունակցական կապ չունեցող ◆ Անհարազատ որդի։
- ոչ միևնույն հորից կամ մորից, խորթ
- (փխբ․) ոչ բնիկ, ոչ ազգային, օտար, օտարոտի ◆ Նրանք մեզ համար խորթ են, անհարազատ են, որովհետև օտար երկրից եկած պարթևներ են։ (Րաֆֆի)
- ոչ իսկական, խարդախված
- կեղծ, անվավերական
- ոչ մտերիմ, ոչ անկեղծ, անհավատարիմ ◆ Անհարազատ ընկերից հավատարիմ շունն է լավ։ (Ջիվանի)
- հարազատ՝ արյունակից ազգական չունեցող
- (նորբ․) (պատմ․) քաղաքական տեսանկյունից խորթ՝ ոչ հարազատ, քաղաքական վստահության անարժան
- բնագրին չհամապատասխանող, բնագրից շեղված ◆ Անհարազատ պատճեն։ ◆ Անահրազատ թարգմանություն։
Հոմանիշներ
- խորթ, ուրջու, (հնց․)՝ տարասերմ, տարբեղուն
- օտար, խորթ
- տե՛ս անիսկական
Արտահայտություններ
- անհարազատ տարր՝ էլեմենտ (պատմ․) - սովետական կարգերի համար խորթ՝ թշնամական տրամադրություններ կամ սոցիալական խորթ ծագում ունեցող քաղաքացի