Կաղապար:Օրվա բառ/Հոկտեմբերի 7, 2015 թ.

Վիքիբառարան-ից


կրել բայ

Հայերեն

վանկեր՝ կ(ը)•րել 

Բայ

  1. ծանրություն՝ բեռ վերցնել իր վրա, շալակել ◆ Հսկայական արկղը տաշեղի պես էր կրում իր ուսին:
  2. իր վրա առնել՝ դնել, հագնել ◆ Գլխին ծղոտե գլխարկ էր կրում:
  3. իր վրա դնելով՝ շալակելով կամ ձեռքով որևէ բան տեղափոխել՝ փոխադրել մի տեղից մի ուրիշ տեղ ◆ Բեռնակիրը նրա իրերը կրեց կառամատույցը:
  4. փոխադրական միջոցով կամ գրաստով բեռներ փոխադրել մի տեղից մի ուրիշ տեղ ◆ Ցորենը պահեստներն են կրում:
  5. մարմնի կամ զգեստի վրա ագուցել՝ կախել, ամրացնել ◆ Մատանի՝ ապարանջան՝ շքանշան կրել:
  6. (փոխաբերական) որևէ պարգև՝ շքանշան ունենաՙլ ◆ Մեր օպերային թատրոնը Լենինի շքանշան է կրում:
  7. ապօրինի կերպով և մեծ քանակությամբ տանել՝ վերցնել՝ փախցնել ◆ Սովխոզի մթերքները կրում էր, հա կրում իր տունը: Դերենիկ Դեմիրճյան
  8. իր մեջ ունենալ՝ ամփոփել՝ պարունակել՝ բովանդակել ◆ Կրծքիս տակ քո անմար սերն եմ կրում:
  9. ենթարկվել, ենթարկված լինել մի բանի, տեսած՝ ճաշակած լինել ◆ Նա շատ տառապանքներ է կրել: ◆ Պատիժ կրել: ◆ Ազդեցություն՝ փոփոխություն կրել:
  10. իր վրա առնել, ստանալ, ընդունել ◆ Առաջին հարվածն էլ ես պիտի կրեմ: Դերենիկ Դեմիրճյան
  11. տանել, համբերել, հանդուրժել ◆ Այդքան վիրավորանքները նա լռությամբ կրեց:
  12. ստանձնել, հանձն առնել, իր վրա վերցնել ◆ Պաշտոն կրել:
  13. (անուն՝ կոչում և նման բառերի հետ) կոչվել, անվանվել ◆ Դպրոցը Չարենցի անունն է կրում:

շարունակել․․․