Կաղապար:Օրվա բառ/Հուլիսի 31, 2016 թ.

Վիքիբառարան-ից


քայլ

Հայերեն

Դասական ուղղագրութեամբ՝ քայլ

վանկեր՝ քայլ 

Ստուգաբանություն

Ծագումն անհայտ է:

Գոյական

  1. ոտքի մեկ շարժում` տեղափոխություն դեպի առաջ՝ հետ կամ կողք, ինչպես և քայլելու, վազելու ժամանակ ոտքի ամեն մի առաջ շարժում, քայլափոխ
  2. մեկ քայլի չափով տարածությունը՝ որպես չափման միավոր ◆ Շները տասը քայլի վրա նստեցին խուլ մռռոցով։ (Ակսել Բակունց) ◆ Մտնում է տասը քայլ երկարությամբ և հինգ քայլ լայնությամբ մի սենյակ։ (Շիրվանզադե)
  3. քայլելու եղանակը, քայլվածք ◆ Ուշիկ քայլերով ներս մտավ մի պատանի։ (Րաֆֆի)
  4. քայլելու ձայնը, ոտնաձայն
  5. (փխբ․) ընթացք, գործողություն, շարժում ◆ Միշտ աշխատել եմ հետ կասեցնել նրան անզգույշ քայլերից։ (Մուրացան)
  6. (փխբ․) առաջադիմություն, առաջընթաց ◆ Երբ ընդմիշտ կջնջվեն հողատիրության հին ձևերը, դա արդեն մեծ քայլ կլինի։ (Վահան Տերյան)
  7. (փխբ․) շախմատի՝ շաշկիի և նման խաղերի մեջ խաղացողների ամեն մի խաղը՝ քարի հերթական շարժումը ◆ 22-րդ խաղի 10-րդ քայլից հետո Բոտվինիկը առաջարկեց ոչ-ոքի, որն ընդունվեց Պետրոսյանի կողմից։ (Մամուլ)
  8. (փխբ․) որևէ նպատակով կամ ի նշան որևէ բանի կատարվող արարք՝ վարմունք ◆ Հարկ չկար մի դատարկ բանի համար այդպիսի ծայրահեղ քայլի դիմել:
  9. (ռազմ․) (սպորտ․) քայլելու արագությունն ու եղանակը ◆ Արագ՝ դանդադ՝ հանդիսավոր քայլ:
  10. (փխբ․) որևէ գործունեության փորձ՝ աշխատանք՝ ձեռնարկում

Հոմանիշներ

  1. քայլափոխ, քայլաչափ, ոտնափոխ, ոտնաքայլ, ոտնափոխություն, քայլափոխություն, քայլափոխում, քայլընթաց, ոտք (խսկց․), (գվռ․)՝ լոք, շեք, շենք, ապութ
  2. քայլաչափ

շարունակել․․․