Կաղապար:Օրվա բառ/Հունիսի 9, 2016 թ.

Վիքիբառարան-ից


ուժգին

Հայերեն

Դասական ուղղագրութեամբ՝ ուժգին

վանկեր՝ ուժ•գին 

Ստուգաբանություն

Ածական

  1. մեծ ուժով, ուժեղ ◆ Հանկարծ այնպիսի մի ուժգին քամի բարձրացավ, որ ուղղակի քշում էր մարդուն: (Նար-Դոս)
  2. մեծ ուժով կատարվող՝ տեղի ունեցող ◆ Հեռվից լսվում էր խուլ որոտը, որից գետը դողում էր... ինչ ուժգին կլինի այդ որոտը, երբ նա կգա և կհարվածի: Դերենիկ Դեմիրճյան
  3. մեծ ուժ պարունակող
  4. սաստիկ, բուռն, ուժեղ կերպով արտահայտված ◆ Մարտիկները ուժգին թափով ընկան թշնամիների վրա: (Մուրացան)
  5. ուժեղ, բարձր (ձայնի մասին) ◆ Այր և կին, տղա և աղջիկ պար էին բռնել և նվագարանների ուժգին հնչյունների եղանակով թնդացնում էին գետինը: (Րաֆֆի) ◆ Նա ուժգին ձայնով գոչեց: Դերենիկ Դեմիրճյան
  6. սուր, թունդ ◆ Նեղ փողոցին մեջ ծխախոտի ուժգին հոտ մը կը ծավալեր: (Գրիգոր Զոհրապ) ◆ Ուժգին հոտ մը ծավալեցավ օդին մեջ, ծանրատաղտուկ հոտ մը, որ շնչառությունը կ'արգիլեր: (Գրիգոր Զոհրապ)

Մակբայ

  1. ուժեղ կերպով, սաստկապես, սաստկությամբ ◆ Ալիքների մի նոր հորձանք, ուժգին վրա տալով, երկուսին էլ տարաբ դեպի հատակը: (Րաֆֆի) ◆ Միտքը եղբորը կերթար ու ձեռքը ուժգին կը սեղմեր դաշույնի կոթը: (Գրիգոր Զոհրապ)
  2. ոգևորությամբ, ցնծությամբ ◆ Զարկեք ուժգին մեծ Շոթայի էն քնարը ոսկելար: Հովհաննես Թումանյան

Հոմանիշներ

  1. ուժեղ, զորեղ, հզոր, զորավոր
  2. ուժեղ, բարձր
  3. սաստիկ, բուռն, խիստ, ահեղ, հուժկու, շեշտակի, ներուժ, հաստույր (հնց․), զախտին (գվռ․)
  4. (փխբ․) սուր, թունդ
  5. տե՛ս ուժգնաբար

շարունակել․․․