Կաղապար:Օրվա բառ/Նոյեմբերի 24, 2015 թ.
շապիկ գո
Հայերեն
Դասական ուղղագրութեամբ՝ շապիկ
վանկեր՝ շա•պիկ
Ստուգաբանություն
Փոխառություն՝ միջին պարսկերեն šapīk:
Գոյական
- տղամարդու մարմնի վերևի մասին հագնելու զգեստ, որպես սպիտակեղենի մաս, ներքնաշապիկ, տակի շապիկ
- կանացի սպիտակեղենի մաս՝ երկար, մինչև ծնկների շրջանը հասնող տակի զգեստ ◆ Թափանցիկ շապիկը հազիվ սքողում էր մարմարյա կուրծքը: (Րաֆֆի)
- տղամարդու մարմնի վերևի մասի թեթև վերնազգեստ, որ հագնում են կոստյումի տակից կամ (տաք եղանակներին) առանց կոստյումի, վերնաշապիկ
- (փխբ․) արտաքին ծածկույթ՝ տեսք՝ կերպարանք (որևէ բանի) ◆ Հեթանոս բանաձևերուն՝ քրիստոնեական շապիկ կհագնեցվեր: Ռուբեն Զարդարյան
- ամառային թեթև զգեստ (բլուզ) ◆ Մեծ մասը ազգային տարազով էին հագնված՝ մուգ-կապույտ անդրավարտիքներ, սպիտակ շապիկներ, հաստ կարմիր շալե գոտիներով: (Ավետիք Իսահակյան)
- (տպգր․) նույնն է՝ գրաշապիկ
- թղթե պահպանակ՝ գրքի կամ տետրակի կազմը մաքուր պահելու համար
- տե՛ս ատամնաշապիկ
- սողունի մաշկ՝ մորթ
Հոմանիշներ
- ներքնաշապիկ, (գվռ․) տակալահավ, լեհին
- տե՛ս գիշերանոց
- վերնաշապիկ, բլուզ, (ժղ․)
- խարազն, (հնց․)
- խորխ, զեռնոց (հնց․)
- (պատմ․) վերտ, թոռոպ
- սրբանք
- տե՛ս գրաշապիկ
- տե՛ս ատամնաշապիկ
Արտահայտություններ
- շապիկը կարճ է - խելքը պակաս է
- մի (երկու) շապիկ ավելի է հագել - փորձված՝ տարիքավոր է (մեկի համեմատությամբ)
- մի շապիկի մեջ քնել - շատ մոտիկ անբաժան ընկեր լինել
- վերջին շապիկը ծախել - բոլոր միջոցներն սպառել, ոչ մի ծախսի առաջ կանգ չառնել, միջոցները չխնայել