Կաղապար:Օրվա բառ/Սեպտեմբերի 19, 2015 թ.

Վիքիբառարան-ից
Jump to navigation Jump to search


էլ մակ

Հայերեն

Դասական ուղղագրութեամբ՝ էլ

վանկեր՝ էլ 

Մակբայ

  1. այլևս (ուժգին շեշտով) ◆ Է′լ չի խոսեց Արաքսը: Ռափայել Պատկանյան
  2. ավելի ևս, ևս առավել ◆ Մի օրիորդ կա, որ գեղեցիկ է, և է՜լ գեղեցիկ քան թե այս բառը: Շեքսպիր
  3. դարձյալ, ևս, էլի ◆ Է′լ եմ ուզում:
  4. նույնպես ◆ Ես էլ դու եմ, ես չկամ (Վահան Տերյան)

Շաղկապ

  1. և, նաև, իսկ ◆ Վառ արևի շողը խաղաց... Աղունակն էլ թռավ, եկավ, նստավ բանտիս լուսանցքին: (Ավետիք Իսահակյան)
  2. կրկնությամբ` էլ... էլ, և... և, թե′ մեկը և թե′ մյուսը ◆ Գնա էլ գա էլ:
  3. այլևս ինչու, այսքանից հետո ինչի համար ◆ Գնա, էլ ինչու՞ ես մնում:
  4. որ (թարմատար) ◆ Լավ է, էդքան էլ խելքդ կտրել է: (Ակսել Բակունց)
  5. թեկուզ, թեպետ և, չնայած ◆ Նա կարծում էր, թե չաշխատի էլ` կապրի:

Եղանակավորող բառ

  1. արտահայտում է զիջականություն գոնե ◆ Անձրև էլ չկա, որ մի քիչ հովն ընկնի:
  2. հաստացնում և սաստկացնում է ասվածը ◆ Սպասածի պես էլ եղավ. թշնամին ետ քաշվեց:
  3. արտահայտում է անսպասելիություն, հանկարծակիություն ◆ Մեկ էլ, ըհը, աղվեսն եկավ: Հովհաննես Թումանյան
  4. արտահայտում է զայրույթ, դժգոհություն, բա, հապա, միթե ◆ Մարդ էլ ընկերոջը կխաբի՞:

շարունակել․․․