Կաղապար:Օրվա բառ/հունվարի 2, 2017 թ.

Վիքիբառարան-ից


անշարժություն գո

Հայերեն

Դասական ուղղագրութեամբ՝ անշարժութիւն

վանկեր՝ ան•շար•ժութ•յուն  

Կազմություն

Նախածանց՝ ան-, արմատ՝ շարժ, վերջածանց՝ -ություն:

Գոյական

  1. անշարժ լինելը, հաստատունություն, անփոփոխություն ◆ Ժայռերը… մնացել էին իրենց դարավոր անշարժությամբ: Դերենիկ Դեմիրճյան
  2. միշտ միևնույն տեղում ապրելը, չտեղափոխվելը, մշտակեցություն ◆ Իբրև նյութական ապացույց այստեղ ապրողների անշարժության, ահա այն կացարանները, որ դուք տեսել եք: (Մուրացան)
  3. (փխբ․) շարժուն՝ գործունյա չլինելը ◆ Այդ եռանդուն, այդ գործունյա երիտասարդի մեջ կենդանի նախատինք էր տեսնում իր անշարժության, իր անպետքության համար: (Նար-Դոս)
  4. նույն վիճակում մնալը, անփոփոխություն, չառաջադիմելը, չզարգանալը ◆ Մի ժողովուրդ, որի զավակներն սկզբից իսկ օտար լեզվով են ուսանում, դատապարտված է երկարատև անշարժության և հետամնացության: (Վահան Տերյան)

Հոմանիշներ

  1. անշարժունություն, աներերություն, անհողդողդություն, անտատանություն
  2. տե՛ս անսասանություն
  3. տե՛ս անփոփոխություն

շարունակել․․․