ազազել

Վիքիբառարան-ից
Jump to navigation Jump to search

Հայերեն

Դասական ուղղագրութեամբ՝

վանկեր՝ ա•զա•զել 

ազազել1[խմբագրել]

Ստուգաբանություն[խմբագրել]

Կազմված է բնիկ հնդեվրոպական ազ արմատի կրկնությամբ՝ * azg՛h-ից (* as- «վառ(վ)ել». * -g՛h- աճականի համար համեմատել գոթերեն azgo (* azgön) «մոխիր» (հայ-գերմաներեն զուգաբանություն): Հայերենին իմաստով մոտ են հունարեն՝ հունարեն άζω (<az-diō) «այրել, չորացնել», լատիներեն āreō «չոր լինել», թոխարերեն՝ Ա āsu «չորացած»:

Բայ[խմբագրել]

  1. նիհարել, չորանալ, ցամաքել
  2. չորացնել ◆ Արևմուտքի մեջ ծաղիկներդ ընձյուղած պիտի խորշակն արևելքի ազազե: (Դանիել Վարուժան)

Հոմանիշներ[խմբագրել]

  1. նիհարել, լղարել, հյուծվել, մաշվել, վտտել, նվազել, սմքել, նիհարանալ, բարակել, վտիտանալ, կմախքանալ (սաստիկ), ազազել, ոսնել (հնց․), (գվռ․)՝ զաբնել, անցնել, բթլել, թործել, ծնգնել, ճզլել, ճռղել, նղժվել, նղժվորել, խռանալ, միսը գնալ՝ ոսկոր(ներ)ը մնալ, կաշին ու ոսկորը մնալ, ոսկորները մնալ, վիզը տանձի կոթ դառնալ, չոր տախտակ դառնալ, դերձան դառնալ, փսուս դառնալ, խիլ դառնալ, շյուղ դառնալ, ասեղ կերած շուն դառնալ, օգոստոսի աղվես դառնալ, մասունք կտրել, քափանակ ընկնել, փորը մեջքից կպնել (կպչել), կողերն իրար կպնել (կպչել), մոմի պես հալվել, գրողի բաժինը հատնել, վեր դիպնել, խիլ դառնալ
  2. չորանալ, ցամաքել, որոմնանալ (հզվդ․), (գվռ․)՝ չամչել, չորխրել, չորխռնել, չորխտել, չորչրնալ, չորչորատել, սողլել, լշկել (հագուստի մասին)

Արտահայտություններ[խմբագրել]

ազազել2[խմբագրել]

Բայ[խմբագրել]

  1. Լոռի՝ (գվռ․) մոլեգնել, կատաղել
  2. (գվռ․) (փխբ․) բուռն կերպով տեղի ունենալ, ամբողջ թափով ծավալվել՝ զարգանալ

Հոմանիշներ[խմբագրել]

Արտահայտություններ[խմբագրել]

Թարգմանություններ[խմբագրել]

Աղբյուրներ[խմբագրել]