ամբողջ մարմնով դողալ

Հայերեն դարձվածք

1. (հզվդ․) սարսափել ◆ Ամենքը նրա ստորադրյալներից, ամբողջ մարմնով դուղում էին, երբ նա հաշիվ էր պահանջում իրենց հանձված գործերի մասին։ Ն-Դ ◆ Զարհուրելի աղաղակներ հանելով կծիկը կը դներ և մեր ոտվըներուն մեջ մտնելով բոլոր մարմնովը կը դողար։ («Եւրոպա») ◆ Սոսկաց, բոլոր մարմնով դողդողաց, և փոքր էր մնում, որ պիտի գլորվեր գետնի վրա։ (Րաֆֆի) ◆ - Ընկերս կը դողար իր բոլոր անդամներով և վախեն ակռաները իրարու կը զարնվեին։ Շահան Շահնուր
2. սարսռալ, ցնցվել ◆ Վարդանը ամբողջ մարմնով դողաց։- Մի՞թե բոլորին կոտորեցին։ (Րաֆֆի) ◆ Հանկարծ նա օձից խայթվածի նման վեր ցատկեց և ամբողջ մարնով դողալով, վայր ընկավ գետին։ Ն-Դ

Աղբյուրներ

1. Պետրոս Սարգսի Բեդիրյան, Հայերեն դարձվածքների ընդարձակ բացատրական բառարան, Երևան, «Երևանի Պետական Համալսարանի Հրատարակչություն», 2011։