այսօր կա, վաղը չկա

Վիքիբառարան-ից

Հայերեն դարձվածք

  1. փոփոխական, ժամանակավոր է ◆ Բոլոր նվաճողներն ու տիրակալները ժամանակավոր են․ այսօր կան, վաղը չկան։ (Ստեփան Զորյան) ◆ - Փա՜ռք Աստուծո, ի՞նչ ունի․․․ թեթև հազ մը․․․ այսօր կա, վաղը չկա։ (Ռուբեն Սևակ) ◆ «Ես․․․կմնամ իմ տանը։ Բայլշևիկները էսօր կան, էգուց չկան»։ (Սողոմոն Տարոնցի) ◆ - Այ քիր, էդ սիրունությունը թո՛ղ, էսօր կա՝ էգուց ոչ։ (Պերճ Պռոշյան)
  2. (վաղ թե ուշ) մեռնելու է, մահկանացու է ◆ - Էսօր կամ, էգուց չկամ, մի ոտս գերեզմանումը մարդ եմ։ Մաթևոս Դարբինյան ◆ Մայամիի մեջն ու շուրջը տեղաորված հայերը․․․ մեծ-հայրիկներու և մեծ-մայրիկներու տխուր համադրություն մը կը կազմեն։ Այսօր կան, վաղը չկան, կ'ըսես ու կը տրտմիս։ Բենիամին Նուրիկյան ◆ «է, աշխարհ, աշխարհ, էս ինչ անխիղճ դրված ունես, մարդը էսօր կա, էգուց չկա»։ Մուշեղ Գալշոյան ◆ Ի՛նքը՝ հաճի [հաջի] Աննան, այսօր կար, վաղը՝ ոչ։ Հակոբ Օշական
  3. շուտով մեռնելու է ◆ Ես՝ ինչպես տեսնում եք, էսօր կա՛մ վաղը չկամ։ Վահրամ Մավյան

Աղբյուրներ[խմբագրել]

  1. Պետրոս Սարգսի Բեդիրյան, Հայերեն դարձվածքների ընդարձակ բացատրական բառարան, Երևան, «Երևանի Պետական Համալսարանի Հրատարակչություն», 2011։