աստղը խավարել

Վիքիբառարան-ից

Հայերեն դարձվածք

ատտղը խավարել 1[խմբագրել]

  1. նախկին փառքը, հռչակը, դիրքը և այլն կորցնել ◆ Կինոյում երբեմն մի անհաջող դերակատարությունը բավական է, որ դերասանի աստղը խավարի։ ◆ -Էն օրվանից, որ մեծ խանն իր հորը թաղեց, էն օրվանից մեր աստղը խավարեց։ (Պերճ Պռոշյան) ◆ Խոսրովի հաջողության աստղը շատոնց ի վեր խավարեր էր։ (Գրիգոր Զոհրապ) ◆ Այլևս իր բախտի աստղը խավարած համարելով՝ Գոհարն իրեն նվիրեց խենթ ձիարշավներին ու որսորդության։ Սերո Խանզադյան

աստղը խավարել 2[խմբագրել]

  1. մեռնել ◆ Երկիրը որոշ ժամական անգլուխ մնաց, երբ սիրված ղեկավարի աստղը խավաարեց: ◆ Հազար հոգի անջաղ («հազիվ») ուներ նրա հեծվոր քաջ գընդիկը, / Աշխար կաներ տակնուվըրա, թե չէր խավրել շուտ աստղիկը: Ռափայել Պատկանյան ◆ Խեղճ տղեն ջայել էր, ափսոս, աստղը ինչըղ («ինչպես») մարավ: Վարդան Ֆերեշեթյան ◆ Ոչ ոք չիմացավ, թե ուր և ինչ հորիզոններում հանգավ նրա աստղը: Վարդան Ֆերեշեթյան ◆ Ու քիչ մ'ատեն կամաց, խիստ կամաց ձայնով մը խոսեցավ անոր հետ...կես ժամ վերջը Սեդրաքի աստղը շիջեր էր: (Գրիգոր Զոհրապ) ◆ Փեթարա Մանուկն էնտեղ զարկվավ։ Մանուկի աստղն էն սրի վրա ճապղեց: Խաչիկ Դաշտենց

Աղբյուրներ[խմբագրել]

  1. Պետրոս Սարգսի Բեդիրյան, Հայերեն դարձվածքների ընդարձակ բացատրական բառարան, Երևան, «Երևանի Պետական Համալսարանի Հրատարակչություն», 2011։