ավերակների վրա թագավորել

Վիքիբառարան-ից

Հայերեն դարձվածք

  1. քանդված վիճակ ժառանգություն ստանալ (ղեկավարելու ևն․ համար)։ ◆ —Դուք հավատո՞ւմ եք, որ եթե անգամ նոր քաղաքապետ ընտրվի, կկարողանա «թագավորել այս ավերակների վրա»։ «Հայաստանի Հանրապետություն» ◆ Թռուցիկի տեքստը երկնելու համար հարկ է նենգ քաղաքագետ լինել կամ հանրապետությունը վերջնականապես ավերելու և ավերակաց վրա թագավորելու մարմաջ ունենալ։ «Հայք» ◆ Չեմ կարող չանդրադառնալ, չարձագանքել այսօր․․․անմիտ ու անհասկանալի պատերազմին։ Վաղը ժառանգելու եմ երկիր ու «ավերակա՞ցս թագավորեմ»։ «Ազգ» ◆ —Երբ ընդունեցինք այդ պաշտոնը․․․արտավազդյան հարցը չծնվե՞ց փեր մեջ՝ «Ես ավերակաց վրա ո՞նց թագավորեմ»։ «Հայաստանի Հանրապետություն» ◆ Ավերականնների՞ն թագավոր դառնամ․․․ Ողջ Հայոց աշխա՞րհը կոտորեմ։ Դերենիկ Դեմիրճյան

Աղբյուրներ[խմբագրել]

  1. Պետրոս Սարգսի Բեդիրյան, Հայերեն դարձվածքների ընդարձակ բացատրական բառարան, Երևան, «Երևանի Պետական Համալսարանի Հրատարակչություն», 2011։