ատամները կրճտացնել

Վիքիբառարան-ից
Jump to navigation Jump to search

Հայերեն դարձվածք

  1. սպառնական դիրք գրավել ◆ Այդ բանը սաստիկ վիրավորեց առանց այն էլ Մխիթարի դեմ վաղուց թշնամաբար տրամադրված Միհրանին: Նա ատամները կրճտացրեց Մխիթարի դեմ: Սերո Խանզադյան ◆ Իսկ Շեյիր Շողերունին ատամ է կրճտացնում Վրիպակ Միքայելի դեմ: Բայց դե, Վրիպակ Միքայելը կռու ընկույզ է, ջարդել չես կարող: Սերո Խանզադյան ◆ Աշխարհին աշխարհ լիներ.. Հենց Հայաստանի, հայության վրա ատամ կրճտացողներ չլինեին: «Հայաստանի Հանրապետություն»
  2. թշնամանքով տրամադրվել. թշնամանք արտահայտել ◆ Անտոնը կրճտում է ատամները աշխարհի դեմ, բախտի դեմ: ԱՀ. ◆ Դարեր շարունակ մարդկությունը ատամ է կրճտացրել վաշխառության դեմ: Լեռ Կամսար ◆ Լուռ մխացողը կ'ըլլա այն որոշումին հեղինակներուն դեմ ու անոնց անուններուն վրա կը կռճացնե ատամները: Թլկ․ ◆ Ղզլբաշի վրա ատամները ղրճտացնելով՝ քիչ-քիչ քաշվեցին: (Խաչատուր Աբովյան)
  3. սաստիկ բարկանալ ◆ Այս հարգամանքը կատաղեցնում էր Բեշիր զորավարին. նա փրփրում և ատամները կրճտում էր: (Մուրացան) ◆ Ստվար մեծամասնությունը զայրացած՝ ատամ էին կրճտում: (Պերճ Պռոշյան) ◆ Մերն ի, ատըմներ կկռճտացուցի, աման ուր [«իր»] լաճու խաթրից չի կանա էլնե:
  4. ներքուստ սաստիկ բորբոքվել ◆ Ատամները կրճտացնելով հարկադրված է արձանագրել բուրժուական աշխարհի անզորությունը: Ալեքսանդր Բեկզադյան ◆ Աղջկա պապ զառկեք կը կրճըցու, սրտի ցավից կը թապլտի վըր կողերուն: ◆ Ուշաբնու ատամին ղըռնջնոտում ին, որ մի ձեռաց թիքաթիքա անեն թըգավորի տղին: Ղասաբ-օղլի

Աղբյուրներ[խմբագրել]

  1. Պետրոս Սարգսի Բեդիրյան, Հայերեն դարձվածքների ընդարձակ բացատրական բառարան, Երևան, «Երևանի Պետական Համալսարանի Հրատարակչություն», 2011։