արևի պես պարզ

Վիքիբառարան-ից
Jump to navigation Jump to search

Հայերեն դարձվածք

  1. միանգամայն ակներև, տեսանելի, հասկանալի ◆ Արևի պես պարզ էր Մարիամ խաթունի համար որդու հալումաշ ջանից ընկնելը: (Պերճ Պռոշյան) ◆ Կ’երևի այլևս, վկաներով, փաստերով, տիկին Քիլեճյանի [Քիլեջյանի] լուսանկարյալ տոմսով: Անդրանիկ Ծառուկյան ◆ Արեգակի պես պարզ էր Մարիամ խանութի համար որդու հալումաշ ջանից ընկնելը (Պերճ Պռոշյան) : ◆ Բայց զույգ կոչվելու իրավունքի համար մի բան արեգակի պես պարզ պիտի լինի նրանց՝ ի՛նչ էլ լինի, նրանք միասին պիտի լինեն («Ավ.») : ◆ Բուրժուական հայրենասիրության կեղծիքն աշխարհի գիտակից բանվորներին ու աշխատավորների համար պարզ է արևի լույսի պես: (Աթաբեկ Խնկոյան) ◆ Ուրեմն ամեն ինչ պարզ է ու հստակ արևի լույսի պես: «Զարթոնք» ◆ Այսօր արևի պես հայտնի է, որ գրվածքի հոգին...պատկերացնում է մի կատաղի թշնամություն: (Միքայել Նալբանդյան) ◆ -Արևու պես հայտնի պիտի երևա թե Պաղտասար...ալ անմեղ է, կին ալ անմեղ է: Հակոբ Պարոնյան ◆ Արդյոք այս ամբողջ իրևողությունը..արևի պես պահծառ ապացույց չէ՞ր, որ յոթ գյուղի բնակչության վիճակը փայլուն էր Ֆրանց Վերֆել : ◆ -Դատարկ խոսքերի հավաում եք, այնինչ արևի լույսի պես պայծառ իրողությանը չեք հավատում Ֆրանց Վերֆել : ◆ Հետո, իր երևութական անշահախնդրությունը երկուքին համար ալ արևին պես պայծառ էր: Եր ◆ Նա անհերիքելի փաստերով բոլոր այդ դավաճանությունը լույս արևու պես ցույց տվավ իր դասախոսության մեջ: Երվանդ Օտյան ◆ Ներկա դեպքում այդ խորագույն իմաստուն ինձ համար պարզ ավելի, քան արևի լույսը: Եղիշե Չարենց

Աղբյուրներ[խմբագրել]

  1. Պետրոս Սարգսի Բեդիրյան, Հայերեն դարձվածքների ընդարձակ բացատրական բառարան, Երևան, «Երևանի Պետական Համալսարանի Հրատարակչություն», 2011։