գետին գցել

Վիքիբառարան-ից
Jump to navigation Jump to search

Հայերեն դարձվածք

  1. չկատարել, անկատար թողնել, ուրանալ ◆ -Կերթամ և նրանք իմ խոսքը գետին չեն գցի, ինչպես չգցեցին ձեզ բանտից ազատելու համար։ Ստեփան Զորյան ◆ -Տեր իմ, ե՞րբ եմ դավաճանել քեզ և խոսքդ գետին գցել։ Դերենիկ Դեմիրճյան ◆ Արդարի համանը գետինը չի՛ պետք է քցած, Սրբի պես պաշտած։ (Խաչատուր Աբովյան) ◆ «Աստված իրանց բարին զավակ էր պարգևել․․․ իրանց խրատը գետինը չի՛ գցում» (Խաչատուր Աբովյան) ◆ -Պողոս ամուին խոսքը գետին ձգողը ե՞ս պիտի ըլլայի, իր խնդիրքը մեծ պատիվ մըն է որ ինծի կը հրամցվի։ Բենիամին Նուրիկյան ◆ Վերջապես ինչ որ պահանջել եք, կատարել է նա, և միանգամ ևս խոսքը գետին չէ ձգել։ (Րաֆֆի) ◆ -Բա մեր փափախի տակ մարդ չկա՞, Խոսքներս գետի՞ն ենք տալու։ «Հայք»

գետին գցել 2[խմբագրել]

  1. դեն նետել, մի կողմ դնել ◆ -Ծխելու հաճույքն է, ծխ՜ել այսպես, պառկած կնակի վրա․․․ ու գետին ձգելով ամեն մտահոգություն։ Վազգեն Շուշանյան ◆ «Ինչո՞ւ մեր հացը գետին ձգենք ու մուրացիկ, ուրիշին ետևեն վազենք»։
  2. արատավորել, գետնով տալ (պատիվը․․․) ◆ «Տղամարդու տեղ ես գնում (բանակ), տե՛ս տղամարդու պատիվը գետին չգցես»։ Դերենիկ Դեմիրճյան ։

Աղբյուրներ[խմբագրել]

  1. Պետրոս Սարգսի Բեդիրյան, Հայերեն դարձվածքների ընդարձակ բացատրական բառարան, Երևան, «Երևանի Պետական Համալսարանի Հրատարակչություն», 2011։