գլխի վրա ջուր մաղվել
Հայերեն դարձվածք
- ոգևորությունը սառչել ◆ Սակայն նրանց ուրախության վրա սառը ջուր մաղվեց: Սպարապետը չողջունեց նրանց։ Սերո Խանզադյան
- ցնցվել ◆ Խալխի գլխին ջուր մաղվեցավ: ...Սարդարի ֆառաշները (ծառայք) էկել էին որ աղջիկ քաշեն։ (Խաչատուր Աբովյան) ◆ -Վերջն առաջարկեց, որ Սիմոնին գնդակահարեն։ Ամենքիս վրա սառը ջուր մաղվեց: Մաթևոս Դարբինյան համեմատության համար՝ ◆ Բայց այդ պայծառ օրվա երկինքն ասես պատվեց ծանր ամպերով ու սառը անձրև մաղվեց Բաղդասարի գլխին:
- սարսափով բռնվել ◆ Ավազակներից գրաճանաչը կարդաց դրոշակը և իմացան, որ Աղա Նազարինն է քարավանը - վրաները ջուր մաղվեց: (Ավետիք Իսահակյան) ◆ Ուշաբնու վրա սառը ջուր մաղվեց էս խոսքերի վրա։
- սաստիկ հուզվել ◆ Զորքի վրա ասես սառը ջուր մաղվեց: Պակաս հուզված չէր նաև Մխիթարը։ Սերո Խանզադյան
- ապշել ◆ Ժողովուրդը...գխին սառը ջուր մաղածի պես, կանգնել էր ապշած։ Մաթևոս Դարբինյան ◆ Ձողը իրեն մոտեցած վայրկյանին այնպես ճարպկորեն բռնեց...: Հանդիսականների վրա ջուր մաղվեց, շնչերը կտրած սպասում էին դեպքի զարգացմանը։ (Ավետիք Իսահակյան) ◆ Օ. գյուղացիք բոլորը ջուր մաղվեցան. ամենքի բերանն էլ բաց մնաց։ (Պերճ Պռոշյան)
Աղբյուրներ[խմբագրել]
- Պետրոս Սարգսի Բեդիրյան, Հայերեն դարձվածքների ընդարձակ բացատրական բառարան, Երևան, «Երևանի Պետական Համալսարանի Հրատարակչություն», 2011։