գլուխը յուղել

Վիքիբառարան-ից

Հայերեն դարձվածք

  1. (բրբ․) խաբել-մոլորեցնել (խոսքերով) ◆ Ես խաբել եմ քեզ, յուղել եմ գլուխդ, ինչպես խաբել է ինձ տարիներ շարունակ Մազութի Համոն։ Եղիշե Չարենց ◆ - էդոնք բոլորը երազախաբ են եղել, պսի ախպեր, իմացիր։ Էդոնց գլուխը յուղել են։ Թվանքը գրկել են, կկարծեն սիրուն կնիկ է։ (Մ․ Սարգսյան) ◆ - Ի՛նչ մարդի գլուխ ա եղում, է՛, էդ թավուր բաների միջին նրա ցերեկվան ման եկած տեղերը Գարեգին քշերն ա ման էկել։ (Պերճ Պռոշյան) ◆ - Լավ ա քեզ ա խաբել, գլուխդ տիվտիվի (թռչուն) եղ քսել։ ն․տ․
  2. հաճոյախոսելով սիրաշահել, խաբել ◆ - Ասենք, եթե ուղևորը լավն է, ժամանակն արագ է թռչում։-Գլուխ է յուղում (տաքսու վարորդը)։ Երեկոյան Երևան ◆ - Հո կեղծագործությունը երեսին երևում էր, ուզում էր գլուխս եղել։ (Պերճ Պռոշյան) ◆ Առանց օմքնու [«մեկի»] գլուխը եղիլ, առանց էրեսպաշտութին ․․․ փուղ մոդ անիլ կուլի՞։ Սունդ․ ◆ Էլի Գիլու գլոխը բուրբոի եղ կը քսե, Գելը ձենը կը կտրե։

Աղբյուրներ[խմբագրել]

  1. Պետրոս Սարգսի Բեդիրյան, Հայերեն դարձվածքների ընդարձակ բացատրական բառարան, Երևան, «Երևանի Պետական Համալսարանի Հրատարակչություն», 2011։