գլուխը քորելու ժամանակ չունենալ

Վիքիբառարան-ից
Jump to navigation Jump to search

Հայերեն դարձվածք

  1. խիստ զբաղված լինել ◆ Տեր Հայկազունն ու պատվելի Արամը գլուխը քորելու ժամանակ չունեին։ Ամեն րոպե մի նոր խնդիր էր լույս ընկնում։ Ֆրանց Վերֆել ◆ ֊Չեք գիտեր, սիրելի տոքթոր, որքան գործ ունիմ․ գլուխ քերելու ժամանակ չունիմ։ Երվանդ Օտյան ◆ ֊Գլուխ քորելու ժամանակ չկա։ Գեներալը հատուկ հանձնարարություն է արել։ Մանֆրետ Գրեգոր ◆ ֊Երկու օր է այնպե՛ս զբաղված եմ, գլուխս քերելու ժամանակ չկա։ Լևոն Շանթ ◆ Վերջապես 15 օրե ի վեր գլուխ քերելիք ժամանակ չունինք։ Երվանդ Օտյան ◆ Ինք զբաղած կ'ըլլար կամ գլուխ քերելու ատեն չէր ունենար։ Արշավիր Շիրակյան ◆ Ավելցուցեք ասոր վրա դասերս ալ, այնքան շա՜տ, շա՜տ (այս տարի գլուխ քերելու վայրկյան մը չունիմ (Ռուբեն Սևակ) ◆ ֊Մի ծոծրակ քորելու ժամանակ էլ չի լինում, որ այցի գնամ նրանց։ Սերո Խանզադյան ◆  համեմատության համար՝ Խմբագրական ծանրածանր զբաղումները միջոց չեն տար իրեն նույնիսկ գլուխը քերելու։ Երվանդ Օտյան

Աղբյուրներ[խմբագրել]

  1. Պետրոս Սարգսի Բեդիրյան, Հայերեն դարձվածքների ընդարձակ բացատրական բառարան, Երևան, «Երևանի Պետական Համալսարանի Հրատարակչություն», 2011։