գլուխ բերել

Վիքիբառարան-ից
Jump to navigation Jump to search

Հայերեն դարձվածք

գլուխ բերել 1[խմբագրել]

  1. հաջողեցնել ◆ -Ես խոստացա հանդիպումը գլուխ հանել և իր փափագը ձեզանից գաղտնի պահել։ «Անդր․» ◆ -Մնացածը մենք խոսքով ա, խնդրանքով ա, կաշառքով ա, գլուխ կբերենք։ Մաթևոս Դարբինյան ◆ «Մարթ կա կյողութինի ա քյընըմ՝ կյըլյոխ ա պիրըմ, մարթ էլ կա՝ կյըլյոխն ա կորցընըմ»։
  2. իրագործել, իրականացնել ◆ - Վաղուց էր գործի անցել՝ գլուխ բերելու իր ծրագիրը։ (Դերենիկ Դեմիրճյան) ◆ Քեզի և անոր հետ հիանալի բաներ պիտի գլուխ բերեմ։ (Ռուբեն Սևակ) ◆ Այսօր միջազգային պարագաները թույլ են տալիս ամենայն հաջողությամբ այդ գործը ի գլուխ բերելու։ Ալեքսանդր Մյասնիկյան
  3. կատարել ◆ Այն, ինչ անզոր է կատարելու զենքը, գլուխ կբերի սովը։ Անդրանիկ Հովսեփյան ◆ Նորեն որևէ տևական աշխատանք Կովկաս միայն կարելի է գլուխ բերել առայժմ։ Լևոն Շանթ ◆ Կապալառուները ձեռնահաս չեղան ճշտությամբ գլուխ տանել իրանից հանձն առած պարտականությունը։ (Պերճ Պռոշյան)
  4. ավարտել ◆ Մինչև սենյակները գլուխ բերեցինք, ես ու կինս բազմափեշակ շինարար վարպետներ դարձանք։ Ավ․
  5. հայթայթել, ձեռք բերել ◆ Ձմեռը սահնակով, որը հայրս էր «գլուխ բերել», Ցախի մեյդանի նեղլիկ փողոցներում ման էի ածում տաք-տաք հագնված Արծվիկին։ (Խաժակ Գյուլնազարյան)

գլուխ բերել 2[խմբագրել]

  1. տե՛ս նմուշի մեջ ◆ Ժողովրդի մեջ մի դարձվածք կա՝ «Գլուխ ես բերել․․․»։ Եթե մեկը շատ է պարծենում և հոխորտում, նրան են ասում՝ «գլո՞ւխ ես բերել, ինչ է․․․»։ Այսինքն՝ արարքդ ի՞նչ է, թշնամու գլուխը հո չե՞ս բերել։ Մաթևոս Դարբինյան

Աղբյուրներ[խմբագրել]

  1. Պետրոս Սարգսի Բեդիրյան, Հայերեն դարձվածքների ընդարձակ բացատրական բառարան, Երևան, «Երևանի Պետական Համալսարանի Հրատարակչություն», 2011։