դուռը երեսին փակել

Վիքիբառարան-ից

Հայերեն դարձվածք

դուռը երեսին փակել 1[խմբագրել]

  1. մերժել-վանել. չընդունել ◆ - Դու չճես ծառանա իմ ծերության դեմ, / Դուռը չես փակի հորդ երեսին: (Շիրվանզադե) ◆ - Երբ ճանաչում է Անգեղյա Տորքին, / Դուռն ինչո՞ւ փակեց նրա երեսին: (Ղազարոս Աղայան) ◆ Տղուն համառությունը...գոցած էր անոր երեսին բոլոր դռները: Հակոբ Օշական ◆ Մեկ երկու պարբերաթերթեր իրենց խմբագրատան դռները փակեցին իր երեսին: ԽԱմ ◆ - Տուռն իրեսիս ի շրխկացուցել է, կարծես հլը ես եմ մեղավոր։ Խոյ ◆ -

Բայց դե պստկուց հաքրսիս ընկերուհին է եղել... գալիս է, դուռը խո ետ չե՞մ դնիլ երեսին: Ն-Դ ◆ - Ինքը դուռն երեսիս հետ արած թողել գնացել ա։ (Խաչատուր Աբովյան) ◆ համեմատության համար՝ շատ դառնություններ եմ ճաշակել այդ ճանապարհին՝ երեսիս փակված դռներ, հեգնանքով ու արհամարհանքով լի ժպիտներ։ Շառլ Ազնավուր

դուռը երեսին փակել 2[խմբագրել]

  1. դժբախտացնել, դժբախտանալու պատճառ դառնալ ◆ -

Խեչան ջա՜ն, քեզ բերդ են տարել, դու մեր դուռն երեսներիս փակեցի՜ր: (Պերճ Պռոշյան)

Աղբյուրներ[խմբագրել]

  1. Պետրոս Սարգսի Բեդիրյան, Հայերեն դարձվածքների ընդարձակ բացատրական բառարան, Երևան, «Երևանի Պետական Համալսարանի Հրատարակչություն», 2011։