ելնել

Վիքիբառարան-ից

Հայերեն

Դասական ուղղագրութեամբ՝


Արտասանություն[խմբագրել]

վանկեր՝ ել•նել 

Ստուգաբանություն[խմբագրել]

ելնել 1[խմբագրել]

Բայ

  1. բարձրանալ, դեպի վեր գնալ ◆ Քար կսեղմեմ սրտիս հիմա, կելնեմ սարերը լալու։ (Ավետիք Իսահակյան)
  2. ոտքի կանգնել, նստած՝ պառկած տեղից վեր կենալ ◆ Տեղից ելավ ու մոտեցավ պատուհանին։
  3. հեծնել, նստել (ձի, նավ, գնացք և այլն)
  4. մի բանի վրա բարձրանալ ◆ Տղան քարի վրա ելավ ու ձեռքը մեկնեց հյուրերին։
  5. ըմբոստանալ, ապստամբել, ընդվզել ◆ Ելի՛ր, ում կյանքն անիծել է։
  6. հանդես գալ, ասպարեզ իջնել, դիմել մի բանի ◆ Մրցման՝ կռվի ելնել:
  7. դուրս գալ, ներսից գնալ դուրս ◆ Նա հենց նոր տնից ելավ:
  8. մի տեղից մեկնել, հեռանալ ◆ Քաղաքից ելանք վաղ առավոտյան։
  9. մի բանի միջից դուրս գալ ◆ Ջրից ելավ ու վազեց ավազուտը։
  10. ազատվել, արձակվել, դուրս գալ ◆ Բանտից ելնել:
  11. ծագել, դուրս գալ ◆ Լուսնյակն ելավ, մով ծովն ընկավ։ (Ազատ Վշտունի)
  12. զարթնել ◆ Ե՛լ, հորեղբա՛յր, անուշ քնից։ Հովհաննես Թումանյան
  13. հորդանալ, վարարել, մակարդակը բարձրանալ ◆ Արաքսը ելել է ու ողողել ափերը։
  14. ուռչել ◆ Կաթը ելավ:
  15. դեպի վեր ձգվել՝ բարձրանալ ◆ Խրճիթից բարակ ծուխ էր ելնում:
  16. բարձրությունն ավելանալ ◆ Օրըստօրե ելնում էին պատերը պինդ։ (Մկրտիչ Խերանյան)
  17. (փխբ․) (ժղ․) նմանվել, մեկին քաշել ◆ Տղան հորն է ելել, աղջիկը՝ մորը։
  18. (փխբ․) գոյություն ստանալ, սկիզբ առնել ◆ Հիմա ելնում է ուրիշ մի կյանք։ Եղիշե Չարենց
  19. (փխբ․) մի բանի համապատասխան վարվել՝ դատել՝ որոշել, ելակետ ունենալ՝ ընդունել ◆ Նա միշտ ելնում է իրական հանգամանքներից ու տվյալներից։
  20. ծնվել
  21. (փխբ․) բուսնել, ծաղկել, աճել ◆ Ելնում են բորբ, ժպտում այնպես - գարնանային ծաղիկ ու բերք։ Եղիշե Չարենց
  22. (փխբ․) բարձրանալ, հառնել, մտքի՝ գիտակցության մեջ զարթնել ◆ Ու նրա աչքերի աառջև ելնում էր անցյալը մռայլ գույներով։ «Գրական թերթ»
  23. (փխբ․) հնչել, ձայնը տարածվել ◆ Քաղցրորեն ելնում էր մեղեդին երգչի շուրթերից ու տարածվում հեռու-հեռուները։
  24. դուրս ընկնել, տեղախախտվել, հոդախախտվել
  25. ստացվել, գոյանալ, դուրս գալ ◆ Մի ցենտներից որքան ալյուր է ելնում:
  26. հռչակվել, համբավը տարածվել ◆ Անունը աշխարհով մեկ ելավ:
  27. կազմում է բազմաթիվ հարադիր բայեր, ինչպես` Առաջն ելնել, Միջից ելնել և այլն, որոնք տե՛ս առաջին բառերի տակ

Հոմանիշներ[խմբագրել]

  1. բարձրանալ (դեպի վեր գնալ)
  2. բարձրանալ (մի բանի վրա)
  3. վեր կենալ
  4. գնալ, դուրս թափվել
  5. տե՛ս հեծել
  6. նստել (նավ)
  7. տե՛ս ըմբոստանալ, ընդվզել
  8. տե՛ս մեկնլ
  9. տե՛ս ազատվել
  10. տե՛ս ծագել
  11. տե՛ս զարթնել
  12. տե՛ս հորդանալ, վարարել
  13. տե՛ս խոյանալ
  14. տե՛ս բուսնել
  15. տե՛ս գոյանալ, ստացվել
  16. տե՛ս հնչել
  17. տե՛ս հռչակվել
  18. տե՛ս նմանվել

Արտահայտություններ[խմբագրել]

ելնել 2[խմբագրել]

Բայ

  1. տե՛ս լինել

Հոմանիշներ[խմբագրել]

Արտահայտություններ[խմբագրել]

Թարգմանություններ[խմբագրել]

Աղբյուրներ[խմբագրել]