թող

Վիքիբառարան-ից
Jump to navigation Jump to search

Հայերեն

Դասական ուղղագրութեամբ՝

վանկեր՝ թող 

Ստուգաբանություն[խմբագրել]

Թերևս բնիկ հնդեվրոպական՝ *tolu-` *tel- «բարձրացնել, կրել, տանել, համբերել» արմատից. հմմտ. հին հնդկերեն tolayat «բարձրացնում է, կշռում է», հունարեն ταλασσω` «համբերել, տանել, համարձակվել», հին իռլանդերեն tol «կամք», գոթերեն pulan «կրել, տանել, համբերել», թոխարերեն ԱԲ täl «բարձրացնել, տանել»:

Գոյական

  1. համաձայնության՝ զիջման՝ թույլտվության նշանակությամբ՝ կարելի Է, չեմ առարկում թող գնա՝ կարդա՛, եթե ուզում է, թող գա՛
  2. հորդորանքի նշանակությամբ՝ ուզում եմ, ցանկանում եմ, թող գամ, վատ չի լինի
  3. համակերպության՝ ակամա համաձայնության՝ նշանակությամբ՝ ինչ արած, միևնույնն Է, թող գնա՛, թող առնի՛ իր սրտի ուզածին, ես է՛լ գործ չունեմ
  4. հանձնարարության՝ հրամանի՝ թելադրանքի նշանակությամբ՝ հանձնարարում եմ, պետք է ◆ Ցնորքներով թող հարուստ մարդիկ զբաղվեն: (Մուրացան)
  5. տենչանքի՝ իղձի՝ փափագի նշանակությամբ՝ ու՜ր է թե, երանի ◆ Թող ընդունվեմ համալսարան, էլ բան չեմ ուզում:
  6. գործածվում Է շաղկապային նշանակությամբ՝ միացնելով գլխավոր նախադասությունը երկրորդականի հետ՝ որ, որպեսզի շաղկապների դերով և իմաստով, ◆ Դու պետք է ընդունես այս քսակը, ուղարկի՛ր մորդ, թող նա քաղցած չմնա: (Րաֆֆի)
  7. գործածվում է զիջական շաղկապի դերով՝ ասենք թե, ենթադրենք նշանակությամբ, թող հենց փողոցում տեսած լինի նրան, մի՞թե դա նշանակում է, թե նա էլ Էր մասնակցում կռվին
  8. նույնպիսի դերով՝ գոնե նշանակությամբ ◆ Թող Լևոնս արդարանա, ես երեխաներիս կառնեմ կերթամ հերանցս տունը: (Նաիրի Զարյան)
  9. թողնել-ի

Հոմանիշներ[խմբագրել]

Արտահայտություններ[խմբագրել]

  1. թող որ- թեև, թեպետ, թեկուզև, չնայած, թեպետև, թող որ, կամ, գոնե, գեթ, նույնիսկ, անգամ, հենց, օրինակ
  2. թող այդպես լինի- համաձայն եմ, չեմ առարկում
  3. թող թե- մի կողմ թողնելով, էլ չխոսելով, բացի
  4. թող լինի- նույնն է՝ թող այսպես լինի
  5. թող անել- թոզնել, թույլատրել, արձակել, բաց թողնել, գցել, ձեռքից բաց թողնել՝ նետել լքել, երեսի վրա թողնել
  6. թող տալ- թույլ տալ, թույլատրել, բաց թողնել, արձակել

Աղբյուրներ[խմբագրել]