իրար կոկորդ կրծել

Վիքիբառարան-ից

Հայերեն դարձվածք

  1. կատաղորեն իրար հետ կռվել, մրցել (ապրուստի և այլնի համար) ◆ Մի կտոր հացի համար իրար կոկորդ են կրծում, տղամարդ են, ընտանիք են պահում։ Իսրայելյան ◆ Կը ստենք, կը պայքարինք, կը գողանանք, իրարու կոկորդ կը ճանկենք՝ որ անոնց ոտքերուն կոշիկ՝ ու կռնակնուն մուշտակ անցնենք։ Աշոտ Հովհաննիսյան ◆ Աշխարհը «Շատ բան (պիտի) չկորսնցներ», եթե անոր բոլոր բնակիչները իրարու կոկորդ կտրեին: Նասիպեան ◆ «Մենք մեր սահմանից դուրս...ցեղերին հնարավորություն ենք տալիս չափավոր սահմաններում միմյանց կոկորդ կրծելու»: Երեկոյան Երևան ◆ Աքսեպիսկոպոսներ իրարու կոկորդին փարեցան: Ձեռագրերու գողության... ◆ համեմատության համար՝ Իսկ մի՞թե կարող է ճշմարտություն լինել մի գրվածքում, որտեղ իրարամերժ փաստերն իրար կոկորդ են կրծում: «Հայաստանի Հանրապետություն»

Աղբյուրներ[խմբագրել]

  1. Պետրոս Սարգսի Բեդիրյան, Հայերեն դարձվածքների ընդարձակ բացատրական բառարան, Երևան, «Երևանի Պետական Համալսարանի Հրատարակչություն», 2011։