լեզուն օձը բնից կհանի

Վիքիբառարան-ից

Հայերեն դարձվածք

  1. սուր լեզու, միտք ունի ◆ Ինու լիզուն օձը պընըն հոնա գու։
  2. շաղակրատ է ◆ Էնի հեչ, էնի էնքան լեզու ունի, օր օձն բնիծ գհանա։
  3. (արևմտհ․) (լեզվով օձը ծակեն դուրս կը հանե) հաճոյախոսող է ◆ —Դու նրա մասին մի՛ մտածի, նրան մի լեզու ունի, որ օձը բնից կհանի։ ◆ Հրաչը արդեն այն մարդն է որուն համար կ՚ըսինք թե իր անուշ լեզվով օձը ծակեն դուրս կը հանե։ Անդրանիկ Ծառուկյան
  4. (բրբ․) ճարտար լեզու ունի ◆ Երեք զավկի տեր, շուկայի, այսինքն օձը ծակեն հանելու կարող էր լեզվով, Ղազարոս էֆենտին [էֆենդին]․․․ կը խոսեր սրանց։ Հակոբ Օշական ◆ Ինքը ջադու պառավ, էնպես լիզու ունիր, օր օձը ծովեն կը հաներ։
  5. (լեզվով օձը բնից կհանի) համոզող խոսք ունի ◆ —Նա օձը ծակից կհաներ, էնպես լեզու ուներ։ Բոլորն էլ խաբվում էին։ Ստեփան Զորյան ◆ Էն նհենց մարթ ա, վըեր յուրյան լյուզվավը օխծը պյունյան կհանի։

Աղբյուրներ[խմբագրել]

  1. Պետրոս Սարգսի Բեդիրյան, Հայերեն դարձվածքների ընդարձակ բացատրական բառարան, Երևան, «Երևանի Պետական Համալսարանի Հրատարակչություն», 2011։