լեզվի կապերն արձակել

Վիքիբառարան-ից
Jump to navigation Jump to search

Հայերեն դարձվածք

  1. լռությանը վերջ տալ, ազատ խոսալ, լեզվին ազատություն տալ ◆ - Գոնե ինձ պատմիր անգլիական այդ մոգերի մասին․․․ ։ Վերջապես արձակիր լեզվիդ կապերը, ախպերս։ Ավ․ ◆ - Դու էլ հրաման տո՛ւր․․․ լեզվիս կապերը քանդեմ, ո՛ւմ սիրտս ուզում ա՝ մի սրտալի, կուշտ ու կուռ ուշունց տամ։ (Պերճ Պռոշյան) ◆ Իր ճարտար լեզվի կապերը քակելով՝ շինծու կամ իրական դեպքեր նկարագրեց։ Վահե Հայկ ◆ - Կապը ան է որ սերը կը կապե լեզուն, իսկ նախանձը լեզվին կապը կ'արձըկե։ Լևոն Շանթ ◆ Միայն թե ըսելե առաջ՝ իմ բերանս կը փնտռեր․․․ թե մինչև ո՞ր աստիճան պետք էր քակել լեզվին կապը։ (Ռուբեն Սևակ) ◆ Միջոց մը կինը կը ջղայնանա չխոսելեն, ուստի դրացիին տունը կ'երթա՝ ազատորեն քակելու իր լեզվին կապանքները։ Տատը․ ◆ Ահա Եղոյի արտասանած խոսքերը, որոնք լեզվիս փականքը բաց արին։ (Պերճ Պռոշյան) ◆ Մարդը պահանջ էր զգում լեզվի սանձերը բաց թողնելու։ ◆ Բոլոր ուժըս հավաքելով լեզվիս կապը խըզեցի, / Աղաչելով, աղերսելով հետը էսպես խոսեցի։ Հովհաննես Թումանյան

Աղբյուրներ[խմբագրել]

  1. Պետրոս Սարգսի Բեդիրյան, Հայերեն դարձվածքների ընդարձակ բացատրական բառարան, Երևան, «Երևանի Պետական Համալսարանի Հրատարակչություն», 2011։