լույս ընկնել

Վիքիբառարան-ից
Jump to navigation Jump to search

Հայերեն դարձվածք

  1. ի հայտ գալ.ծագել.հայտնի դանալ ◆ Ամեն րոպե մի նոր խնդիր էր լույս ընկնում,պահանջում իր լուծումը։ Ֆրանց Վերֆել ◆ Սկզբներում նրա հազը թեև կտրվեց, բայց երկու շաբաթից հետո նորից լույս ընկավ: Ն-Դ ◆ Հազար թաքուն խորհուրդ, հազար մուրազ,խնդիր, մեղք էնտեղ էին լիս ընկնում: (Խաչատուր Աբովյան) ◆ Դիրիջակի խոսակցությունը, թեպետ լույս էր ընկել, բայց չէր ուզեցել միանգամից հուսահատեցնել հեղնարին։ (Պերճ Պռոշյան)
  2. երևան գալ,հայտնվել ◆ Բայց երբ լույս ընկավ Անգեղ Տորք հսկան./Ավազակները ծակըծուկ մտան։ (Ղազարոս Աղայան) ◆ Նայեց դեմքիս մի հայացքով ,որով կարծես հարցնում էր.«Սա՞ որտեղից լույս ընկավ»: Ն-Դ ◆ -Վո՞ւրղ՝ անց [«որտեղից»] լուս ննգավ էս անիծած բարաթը...վո՞ւնց լուս ննգավ։
  3. բացահայտել.հայտնաբերվել ◆ Փիս բանը,փիս ճամփեն էսօր ա,էգուց լիս կընկնի,ու էն ժամանակը շատ մեր լաց կըլի։ (Խաչատուր Աբովյան)
  4. մեջտեղ գալ.ասպարեզ իջնել ◆ Եթե տարբեր վայրերում Բագրատյանի նման մի քանի հոգի էլ լույս ընկնեին կարող էին լուրջ դժվարությունների առաջ կանգնեցնել ամբողջ պետությունը։ Ֆրանց Վերֆել
  5. մեջտեղ գալ,ցույց տալ ◆ -Ի՞նչ անեմ, լիս ընկնե՞մ, թե չիմանալու տամ։ (Պերճ Պռոշյան) ◆  Էդ կնիկը սրանց տենալու բաշտան [«էն գլխից»] ճաննչեց,համա լիս չընկավ: ◆ Հա՜յ-վախ, հա՜յ-վայ,- ասաց,-իմ կնիկ խարապ էլավ»:Լիս չընկավ հեչ. իրա մտքի մեջ պախեց։

Աղբյուրներ[խմբագրել]

  1. Պետրոս Սարգսի Բեդիրյան, Հայերեն դարձվածքների ընդարձակ բացատրական բառարան, Երևան, «Երևանի Պետական Համալսարանի Հրատարակչություն», 2011։