խառնվել
Հայերեն
- ՄՀԱ՝ [χɑrnˈvɛl]
Դասական ուղղագրութեամբ՝
վանկեր՝ խառ•նը•վել
Ստուգաբանություն[խմբագրել]
Գոյական
- խառնելի կրավորական և չեզոք բայ ◆ Ճաշը խառնված է:
- միջամտել ◆ Նա չէր խառնվում գյուղական գործերին։ Հովհաննես Թումանյան ◆ Ինքը խառնվել է միանգամայն պատահական կերպով այդ հիմար պատմությանը։ Եղիշե Չարենց ◆ Բայց երբեք կարիք չկար, որ մենք խառնվեինք որևէ կերպով Իտալիո դեմ մղված արդարացի պատերազմի մը։ (Վահան Թոթովենց)
- շփոթվել, մոլորվել ◆ Իրիկունը խառնվածս վախտն ասացին, շա՞տ էի հիշելու։ Անահիտ Սեկոյան ◆ Աղջիկը իրար էր խառնվել գրասեղանի մոտ։ Սերո Խանզադյան
- հուզվելուց իրեն կորցնել, շշկլվել
- միախառնվել, միահյուսվել, ձուլվել ◆ Ցորենը խառնվել է գարու հետ։ ◆ Վտակ ու վետ կը խառնվեն իրարու հետ։ (Ավետիք Իսահակյան) ◆ Լեզուները ազդում են իրար վրա, խառնվում և այսպիսով ստեղծվում է մի նոր լեզվական միություն։ (Վահան Տերյան) ◆ Խորին ասիական տարազների հետ խառնվել էին եվրոպական վերջին տարազի զգեստներ։ (Րաֆֆի)
- շաղվել (աչքերը, հայացքը) ◆ Կարդացածը խառնվում, խճճվում էր։ Սերո Խանզադյան ◆ Խառնվում է հիշողությունը։ (Ակսել Բակունց) ◆ Խառվում էին անցյալի բազմազան պատկերները։ (Բոգդան Վերդյան) ◆ Նրա շրթունքները դալկացել այտերը գունատվել և աչքերը խառնվել էին: (Մուրացան)
- գրկախառնվել, իրար փաթաթվել
- կենակցել, զուգավորվել
- ալեկոծվել ◆ Ծովը խառնված է: Հովհաննես Թումանյան
- խճճվել ◆ Գծերը խառնվել էին իրար՝ խճճվել։ (Բոգդան Վերդյան) ◆ Տեսար նրա խառնված մազերը։ (Րաֆֆի)
- ամպել, եղանակը վատանալ ◆ Խառնվում է օրն առավոտից։ Հովհաննես Թումանյան
- խուճապի մատնվել ◆ Խառնված, անշուն բինին… վրա են տալիս ընկերները (գայլերը)։ Հովհաննես Թումանյան
- կռվի մեջ ընկնել ◆ Աշխարհը խառնվել է: ◆ Նրանք խառնվել էին իրար, մեկ եղբայրն էր քրոջը գետնովը տալիս, մեկ քույրը եղբորը։ Անահիտ Սեկոյան
- չիրականանալ ◆ Նրա հաշիվները դարձյալ խառնվեցին: (Նաիրի Զարյան)
- խառնաշփոթ դառնալ ◆ Բոլոր հաշիվները խառնվել են չկա մեկը, որ կարգավորի։
- տարբեր բաներով զբաղված լինել ◆ Այս անգամ այսքան խառնված եմ, որ պիտի ներես։ Սերո Խանզադյան
- հավասարվել ◆ Դու ինչու՞ նրան չես խրատում, դու էլ ես խառնվել բոլորին, դու էլ ես կրակի հետ խաղում։ (Վահան Թոթովենց) ◆ Խառնվում է մարդկային հասարակության մեջ։ (Րաֆֆի)
Հոմանիշներ[խմբագրել]
- միանալ, ձուլվել, զանգվել, շաղախվել, միախառնվել
Արտահայտություններ[խմբագրել]
| Բաղադրյալ բառեր | |
| Թարգմանություններ | |
Աղբյուրներ[խմբագրել]
- Էդուարդ Բագրատի Աղայան, Արդի հայերենի բացատրական բառարան, Երևան, «Հայաստան», 1976։
- Հրաչյա Աճառյանի անվան Լեզվի Ինստիտուտ, Ժամանակակից հայոց լեզվի բացատրական բառարան, Երևան, «Հայկական ՍՍՀ Գիտությունների Ակադեմիայի Հրատարակչություն», 1969։
- Աշոտ Մուրադի Սուքիասյան, Հայոց լեզվի հոմանիշների բառարան, Երևան, «Հայկական ՍՍՀ Գիտությունների Ակադեմիայի Հրատարակչություն», 1967։
- Աշոտ Մուրադի Սուքիասյան, Հայոց լեզվի հոմանիշների բացատրական բառարան, Երևան, «Երևանի Պետական Համալսարան», 2009։
- Սերգեյ Աշոտի Գալստյան, Դպրոցական բառակազմական բառարան (Դպրոցական մատենաշար) (խմբ. Հովհաննես Զաքարյան), Երևան, ««Զանգակ-97» հրատարակչություն», 2011 — 230 էջ, ISBN 978-99941-1-933-2։
Կատեգորիաներ:
- Ձայնային ֆայլ չունեցող հայերեն բառահոդվածներ
- Հայերեն բառեր
- Հայերեն գոյականներ
- Քաղվածք/Հովհաննես Թումանյան
- Քաղվածք/Եղիշե Չարենց
- Քաղվածք/Վահան Թոթովենց
- Քաղվածք/Անահիտ Սեկոյան
- Քաղվածք/Սերո Խանզադյան
- Քաղվածք/Ավետիք Իսահակյան
- Քաղվածք/Վահան Տերյան
- Քաղվածք/Րաֆֆի
- Քաղվածք/Ակսել Բակունց
- Քաղվածք/Բոգդան Վերդյան
- Քաղվածք/Մուրացան
- Քաղվածք/Նաիրի Զարյան
- Բառեր «Արդի հայերենի բացատրական բառարան» գրքից