կարգ

Վիքիբառարան-ից

Դասական ուղղագրութեամբ՝

Վանկեր՝ կարգ 

Արտասանություն

Ստուգաբանություն[խմբագրել]

Գոյական

  1. որևէ ամբողջություն կազմող մասերի կամ միավորների հաջորդականությունն ու ընդհանուր հորինվածությունը, դասավորություն ◆ Զորքերի մարտական կարգ:
  2. իրար կողքի դասավորված նստելու տեղերի՝ աթոռների կազմած շարքերից յուրաքանչյուրը ◆ Առաջին 10 կարգերի տոմսերն սպառված են:
  3. հերթականություն, հաջորդականություն, հերթ ◆ Կարգով գրավվեցին սահմանապահ բերդերը:
  4. կարգավորվածություն, բարեկարգության վիճակ, կարգ ու կանոն ◆ Այստեղ ամեն ինչի մեջ կարգ ու խնամք է տիրում:
  5. կարգապահություն ◆ Մի քանի աղմկարարներ փորձեցին խանգարել ժողովի կարգը:
  6. կազմակերպման՝ գործերը վարելու ընդունված ձև՝ հետևողականություն ◆ Նրա աշխատանքի մեջ ամեն ինչ իր հաստատուն կարգն ուներ:
  7. հասարակական կառուցվածքի ձև, իրավակարգ ◆ Նոր կարգերը հիմքից փոխել էին կյանքը:
  8. ընդունված՝ սահմանված եղանակ՝ օրենք որևէ բան կատարելու՝ իրականացնելու ◆ Ընտրությունների կարգ: Թեկնածուներ առաջադրելու կարգ:
  9. օրինաչափության՝ օրենքի ուժ ստացած սովորույթ՝ ծես՝ ադաթ ◆ Դու էլ գնա՛, նոր սեր արա՛, էսպես է կարգն աշխարհի: (Հովհաննես Թումանյան)
  10. գիտական տերմինաբանության մեջ՝ առարկաների, երևույթների և այլնի դասակարգության ստորաբաժանում կամ նրանց առավել ընդհանուր՝ բնութագրող հատկանիշը, կատեգորիա ◆ Քերականական կարգ:
  11. (կենս․) կենդանիների և բույսերի դասակարգության ստորաբաժանում, որ միավորում է ցեղակից ընտանիքները ◆ Կրծողների կարգ:
  12. տարբեր աստիճանի հարմարավետությամբ կահավորված երկաթուղային վագոնների կամ նավասենյակների տիպը, որ վճարվում է որոշակի սակագնով ◆ Առաջին կարգի նավասենյակ:
  13. որակ, բնույթ, տեսակ ◆ Ինչ կարգի մարդ ասես, որ չկար այնտեղ:
  14. արժեթղթերի (դրամանիշ, պարտատոմս և այլն) և փաստաթղթերի (տոմս, անձնագիր և այլն) որոշ թվով համարներ ընդգրկող հաջորդական շարքերից յուրաքանչյուրը, սերիա ◆ Անձնագրի համարը և կարգը:
  15. որակավորման աստիճան (զբաղմունքի, կոչման, սպորտի և այլնի) ◆ Առաջին կարգի շախմատիստ:
  16. (մաթեմատիկա) թվերի գրավոր նշանակված շարքի մեջ թվանշանի գրաված հերթական տեղը՝ շարքը ◆ Առաջին կարգի թվանշան:
  17. (եկեղ․) եկեղեցական արարողություն՝ ծիսակատարություն
  18. (եկեղ․) եկեղեցականի պաշտոն՝ աստիճան
  19. (եկեղ․) կրոնական միաբանություն, ուխտ
  20. գործիական հոլով՝ Կարգով, գործածվում է՝

ա) կապական իմաստով՝ իբրև, որպես, եղանակով, ձևով ◆ Ես դա ասում եմ գգուշացման կարգով: բ) մակբայական իմաստով՝ ձևով, եղանակով, կերպով ◆ Խոսենք ընկերական կարգով: գ) մակբայական իմաստով՝ հաջորդաբար, հերթով, հերթականությամբ ◆ Շարվեցե՛ք կարգով:

Հոմանիշներ[խմբագրել]

  1. դասավորություն
  2. հերթ, հերթականություն, հաջորդականություն
  3. տե՛ս բարեկարգություն
  4. տե՛ս կանոն
  5. տե՛ս կարգապահություն
  6. տե՛ս վարչակարգ
  7. տե՛ս ծես
  8. տե՛ս ծիսակարգ
  9. աստիճան
  10. կատեգորիա
  11. տե՛ս շարք

Արտահայտություններ[խմբագրել]

  1. կարգ դնել - սահմանել՝ հաստատել որպես կարգ՝ օրենք
  2. կարգ մը (արևմտհ․) - որոշ, ինչ-որ, ինչ-ինչ, մի շարք
  3. կարգը գցել - դասել մի կարգում՝ որևէ շարքում
  4. կարգն անցկացնել - կարգը դասել
  5. կարգը դասել՝ դնել - համարել
  6. կարգը ընկնել - կարգը դասվել
  7. կարգը խանգարել
    1. անկարգություն անել
    2. կարգը խախտել
  8. կարգ(ը) պահպանել
    1. հսկել կարգի՝ կարգապահության վրա
    2. կարգը չխախտել
  9. կարգի բերել
    1. կանոնավորել, կանոնավոր դարձնել, բարեկարգել, հարդարել
    2. սարքի գցել, սարքին դարձնել
    3. կարգ սահմանել՝ հաստատել
  10. կարգի գալ - կանոնավոր՝ սարքին դառնալ, կարգը վերականգնվել
  11. կարգի գցել
    1. կանոնավորել, կանոնավոր դարձնել, բարեկարգել, հարդարել
    2. սարքի գցել, սարքին դարձնել
    3. կարգ սահմանել՝ հաստատել
  12. կարգի դնել
    1. կարգավորել, հարդարել, կոկել, ուղղել, շտկել
    2. բարեկարգել, բարելավել
  13. կարգի ընկնել - կարգավորվել, կանոնավոր՝ կարգին դառնալ, կանոնավորվել, հարթվել, բարելավվել, բարեհաջող ընթացք ստանալ
  14. կարգի հրավիրել
    1. կարգին ենթարկել տալ, նկատողությամբ կամ զգուշացմամբ պահանջել կարգին ենթարկվել
    2. խախտված կարգ ու կանոնը վերականգնել, կարգի բերել
    3. վարքով՝ արարքով ուղիղ ճանապարհից շեղվածին ուղղելու միջոցների դիմել
  15. կարգի ձգել
    1. կանոնավորել, կանոնավոր դարձնել, բարեկարգել, հարդարել
    2. սարքի գցել, սարքին դարձնել
    3. կարգ սահմանել՝ հաստատել
  16. կարգի մտնել (արևմտհ․) - կարգավորվել, կարգի ընկնել, հարթվել, շտկվել
  17. արտաքո կարգի - արտակարգ
  18. ըստ կարգի
    1. կարգով, շարքով, հերթով, հերթի համաձայն
    2. որևէ բանի կարգին վերաբերող, կարգի մասին
Wiki.png
Վիքիպեդիայում հոդված կա հետևյալ թեմայով՝