ձեռքերը արյան մեջ թաթախել
Հայերեն դարձվածք
- սպանություն(ներ) գործել, (առատորեն) արյուն թափել ◆ - Իսկ ե՛ս, քա՜վ լիցի, իմ ձեռքերը չեմ թաթախի իմ ազգայինների արյան մեջ: (Րաֆֆի) ◆ - Նա չի ուզում ես ձեռներս սրա արնի մեջ թաթախեմ. թող գնա ապրի։ (Պերճ Պռոշյան) ◆ Կայեն միայն մեկ եղբայր սպաննեց, դուք թաթախեցիք ձեր ձեռքերը հարյուրավոր անմեղ եղբայրներու արյան մեջ: («ԳԹ») ◆ - Վռնդենք Հաբիբեին։ Մենք մեր ձեռքերն արունքի մեջ չենք թաթխե: (Մկրտիչ Արմեն) ◆ Մի խոսքով այդ մարդը մի շարժական գահ է սատանայի և բոլոր դժոխքի զորության. նորերումս ձեռքերը ներկեց մի ծերունու արյուրով: (Միքայել Նալբանդյան) ◆ Արյունով կը ներկե իր ձեռքերը իր ուժերոն վեր ծրագիրներ իրագործելու նպատակով։ ◆ - Ուրեմն, ինձ ու քեզ հիմարացնի՞... Իմ ձեռքերը հարազատիս արյունո՞վ թաթախի: Պերճ Զեյթունցյան ◆ Հիտլերի օրոք օկուպացված երկրներում իրենց ձեռքերը մինչև արմունկները շաղախել են անմեղ զոհերի և դիմադրության մարտիկների արյունով: Երեկոյան Երևան ◆ - Ձեր մեր ասել ա, որ ես ձեզ մորթեմ... համա ես իմ ձեռքերը անմեղ արնի մեջ չեմ շաղղի [շաղըղի]։ ◆ Բոլոր ժամանակներու էս-էսները և կոմիսարները ուրիշ բան չեն ըրած... եթե ոչ իրենց սև սքեմը թաթխել արյան ճապաղիքներու մեջ: Շահան Շահնուր ◆ Կանո՜ւխ է դեռ, - իմ ձեռքերս իմ արյան մեջ / Թաթախելու դեռ կանո՛ւխ է։ (Դանիել Վարուժան) ◆ Երիտասարդ տղաք անասելի տառապանքով մը, թաթխած են իրենց
սպիտակ ձեռքերը իրենց տաք արյան մեջ և մեռած։ Վազգեն Շուշանյան
Աղբյուրներ[խմբագրել]
- Պետրոս Սարգսի Բեդիրյան, Հայերեն դարձվածքների ընդարձակ բացատրական բառարան, Երևան, «Երևանի Պետական Համալսարանի Հրատարակչություն», 2011։